أجمل الشموع العطرية المميزة للمنزل

أجمل روائح الشموع

ستمتعي بأجواء منزلية مميزة وعطرة وكلها استرخاء مع الشموع المنزلية المميزة من ماركات مصرية، وأملي بيتك بروائح عطرية وفي نفس الوقت تقدري تستخدميها كإضافة ديكور. مكونات الشمع بسيطة جداً وتضيف شكل جميل وريحه حلوه في المكان اللي بتستخدم فيه. تتكون الشمعة من أنواع مختلفة من الشمع، زي شمع العسل، شمع الصويا، شمع البارافين، وأحياناً مادة جل إلخ، بالإضافة لفتيل من القطن، وأخيراً يضاف للشمع الروائح بإستخدام الزيوت العطرية أو الأساسية المختلفة. في المقال ده هنتكلم عن عدد من الشموع والروائح الجميلة من ماركات مصرية هتستمتعي بها وهتملي حواسك وبيتك.

مجموعة كاندل كونيكشن

شمعة أوركيد: شمعة هادية وخفيفة، ريحتها حلوه، خليط زهور الأوركيد مع  زيت الجوجوبا الأساسي الدافي، هيخلي مزاجك رايق سواء استخدمتيها الصبح أو بليل، ده غير البرطمان اللي بتيجي فيه هتقدري تزيني بها بيتك وتدي له لمسة ذهبية.

شمعة باودر: شمعة تانية حلوة من كاندل كونيكشن، مزيج لذيذ من الفانيليا والكراميل، مناسب للبنات اللي بتحب الروائح الحلوه اللي هتعبي لك البيت كأنك بتخبزي كيكة في الفرن.

شمعة ماسكارا: شمعة ريحتها دافية وشكلها شيك، تتكون من خليط من بتلات زهرة مسك الروم البلدي مع روائح دافية معبأة في برطمان أسود وغطاء ذهبي هتاخد لعالم تاني من الجمال وهتزين بيتك بشكلها المميز والأنيق.

شمعة بيستاشو: شمعة لونها وريحتها خضراء هادية، هتديكي طاقة وإيجابية، خليط من روائح الفاكهة والتفاح الطازج. ممتاز لشهر رمضان والاستخدام في فترة النهار.

مجموعة روشان كاندلز

شمعة زمالك (قهوة): مين مش بحب القهوة! مشروب المزاج بريحته اللي تفوق كل في الشمعة دي.

شمعة سيلك روود (عود): ريحة شرقية مميزة. معروف العود بريحة الشرقية الدافئة، اللي بيجي بأشكال كتير، سواء عطور، أو زيوت، أو سبلاش أو بخور. لو بتحبي ريحة العود في البيت في حاجة استخدمها سهل، جربي الشمعة دي اللي هتملي بيتك بريحة العود الفاخر.

شمعة ميلوجرانو: سحر وعبق من الفاكهة والزهور في شمعة واحدة، خليط من فاكهة وعشب وزهور من الرمان، وزهرة الزنبق ونبتة الباتشولي. شمعة هتخليكي تسترخي تماماً وتملي أي مكان في البيت بالدفء والهدوء.

شمعة وردي: يا بدع الورد يا جمال الورد على رأي الفنانة أسمهان. ديما ما كان للورد ريحة مألوفة. وردي هي شمعة بريحة الورد غير تقليدية، منعشة، خفيفة، ناعمة، متوازنة، وكلها أنوثة وتهدئ الأعصاب. تقدري تستخدميها في فترة النهار أو الليل.

شمعة لافندي: لافندر، لافندر، لافندر. بنفسجي، عشبي، مهدئ. مين ما يحبش اللافندر بريحته اللي كلها استرخاء. اللافندر هي زهرة عشبية، لونها بنفسجي، بتدخل في منتجات كتير خصوصاً منتجات التجميل والعناية بالبشرة والنفس. لافندي شمعة مهدئة، هتملي أي مكان بالهدوء والإنتعاش.

مصدر الصورة: Pinterest

مشاركة تعليق