أختيارنا لأفضل منتجات شهر سبتمبر

المنتجات دي ما ينفعش تتفوت الشهر ده، لأنها فعالة بحق وحقيقي ونجرىء كمان اننا نقول أنها سحرية؟ لأنها اثبتت لنا فاعليتها في سورس بيوتي. نتمنى انك تجربي معانا المنتجات دي وتقولي لنا رأيك في اختيارنا لأفضل منتجات شهر سبتمبر

منتجات مصرية

Caroline Beauty, Lip & Cheek Stain in 6th of October

استعدي لاستخدام لون شفايف لحمي مثالي لشكل ميك أب طبيعي. . مع المجموعة الكبيرة من الألوان المختلفة، اللون ده هو الأنسب عشان يتماشى مع كل ألوان البشرة بعد فصل الصيف. بالإضافة لأحمر خدود لحمي بسيط وهادي، مش هيخليكي تحتاجي أكثر من منتج واحد عشان مظهر نهاري متكامل

برايز قناع الشعر المرطب العميق (Braes, Deep Conditioning Hair Mask)

أفضل قناع للشعر بعد كل العوامل البيئية اللي بيتعرض لها شعرك خلال فترة الصيف، القناع هيعيد النعومة والبريق ويرطب الشعر بعد 20 دقيقة من استخدامة. القناع العميق من برايز رائحة منعشة وطبيعية من غير ما يحتوي على أي مواد كيميائية وكمان غير مجرب على الحيوانات. ننصحك به بشدة وهتلاقي نتائج فعاليته عند استخدامه مرة أو مرتين في الأسبوع وملمس شعرك أفضل.

كريم فيتامين بي من إسينشيلز – Essentials, Vitamin E Cream

من المنتجات اللي بتباع بسرعة جداً لأنه الأفضل. منتج كلاسيكي من اللي كنا منتظرينه، مكوناته مش كثيرة ومعقدة، احتوائه على مكون الألوي فيرا الطبيعي يهدئ البشرة ويحسن من مظهرها ومظهر البشرة الباهتة. زيادة على ده انه يحتوي على واقي شمس بنسبة أكثر من 30++، اللي هيساعدك انك تبدئي يومك بسهولة ويسر وكمان مناسب لاستخدامه في فترة الليل.

غسول تي تري للوجه من بابالز (Bubblzz, Tea Tree Face Wash)

البشرة المعرضة للكسر البشرة المعرضة لحب الشباب مش محتاجة كريمات تجميلية عشان تحدي من ظهورها، لكن معناه إنك محتاجة تلاقي منتج عالمي متجرب وحقيقي. زيت شجرة الشاي أو Tea Tree oil الزيت المضاد للجراثيم ويحتوي على مكونات مضادة للألتهابات اللي تستهدف الشوائب الظاهرة على بشرتك، مهم جداً انك تستخدمي غسول الوجه ده لو لاحظتي بداية ظهور حب شباب، عالجي الحبوب في فترة النهار والليل لتقليل من أي شوائب غير مرغوب فيها.

منتجات عالمية

Boscia من Detoxifying Black Charcoal Cleanser غسول

غسول دافيء معزز بالفحم يساعد على تقليل حجم المسامات، يزيل الشوائب، ويمنع إفراز الدهون الزائدة، ويمنح البشرة إشراقتها. غسول مناسب لجميع أنواع البشرة و مثالي للإستخدام في روتين العناية الليلي، لا يجفف البشرة عشان تقدري تحافظي على نداوتها وترطيبها لأنه لا يؤثر على زيوت البشرة الطبيعية.

مرطب مضيء من جلام جلو جلوستارتر – Glamglow Glowstarter, Mega Illuminating Moisturizer

كريم بمفعول ثنائي منه مرطب ومنه خافي للعيوب لأحتوائة على لون لحمي اللي هيغطي الشوائب وفي نفس الوقت خفيف على البشرة. مناسب جداً إذا كنتِ لا تملكي وقت كفاية انك تجهزي، لسهولة استخدامه ومنح بشرة وجهك إشراقة طبيعية لبقية اليوم.

زيت بوندنج رقم 7 من أولابلكس – Olaplex, No. 7 Bonding Oil

إذا كنتِ من معجبين منتجات أولابليكس، إذاً أخر زيت شعر اصدروه هيدهشك. زيت ممتاز للشعر المصبوغ والتالف، زيت بيحافظ على صبغة الشعر، يحارب الشعر المتطاير ويغلف خصلات الشعر قبل استخدام الحرارة لحماية من التلف. أيضاً هو منتج نباتي، غير مجرب على الحيوانات وخالي من الجلوتين. معبأ في زجاجة يمكن إعادة تدويرها. وكمان العلبة الصغيرة الكيوت دي لمسة إضافية لطيفة.

“كيرلر” الرموش من أوارجلاس – Hourglass, Eyelash Curler

سواء كنتٍ بتستخدمي “كيرلر” الرموش في روتين الميك أب الخاص بكٍ أو لأ، نحب نقولك أن براند التجميل العالمية أوار جلاس اصدرت أول “كيرلر” ذهبية لها. ويمكن محتاجة وقت عشان نتعود على استخدامها. استخدام “كيرلر” الرموش يساعد في الحصول على شكل رموش طويلة قبل وضع الماسكارا. اعتبريها أداة تحضيرية للرموش وعمرك ما فكرتى انك ممكن تكوني محتاجها، “الكيرلر” دي هتديكي تقوس جميل لرموشك.

حقوق الصورة: موقع بنترست

مشاركة تعليق