أسباب لتغيير طلاء أظافرك المعتاد لطلاء مسامي

أكيد سمعتى كتير عن مصطلح ” طلاء الأظافر المسامي” وعادتاً لما بنسمع عن حاجة متكررة و جديدة بعضنا بيتجه لتجربتها أو لأهمال الفكرة عموماً. عشان كده حبينا نقصر الطريق عليكى ونعرفك ايه فكرته وهل فعلا يستاهل انك تغيري النوع المعتاد اللى بتستخدميه لطلاء مسامى ولا لأ. كملى قراءة المقال ده و أعرفى فوائد استخدام الطلاء المسامي و كمان نصائح للون يدوم طويلاً

يعنى ايه طلاء أظافر مسامى؟

تم صياغة وتركيب الطلاء المسامي الملمع (القابل للتنفس أو المنفذ ) بفكرة منفذة و سامحة للأكسجين والرطوبة (جزيئات الماء والهواء الصغيرة) بالدخول من خلال الطلاء و الظفر بسهولة أكبر وعدم التسبب فى ترك طبقة تسد الظفر.  بالتالى يمنح  الظفر بيئة صحية أكثر و مسامية وتساعده في الحفاظ على سلامته الطبيعية ، وبالتالى يقلل من تقشره وتكسره.

هل محتاجة فعلا تغيير الطلاء العادى لطلاء مسامي فعلاً؟ طيب, ليه؟
لأنه صحى أكثر لأظافرك و مظهرهم

لو انتي من الناس اللى بتوضع طلاء الأظافر من مرة لمرتين فى الأسبوع, فمن الضرورى انك تدى فرصة لأظافرك لفترة انها تاخد نفسها وتتحسن. أكيد مش بنبقى مبسوطين بعدم وضع طلاء لأظافرنا, بس حقيقي من كتر محاولاتنا للظهور باطلالة جميلة وانثوية, ده بيتسبب لينا فى تلف أظافرنا. و عشان كده فاستخدام الطلاء المسامي من وقت لأخر هيساعد بشكل غير مباشر لأنه  بديل صحي يسمح بمرور الأكسجين والرطوبة ، بالتالى يمنح  الظفر بيئة صحية أكثرو مسامية وتساعده في الحفاظ على سلامته الطبيعية ، وبالتالى يقلل من تقشره وتكسره

لأن تركيباته و مكوناته الكيميائية أقل

تحتوي كل ملمعات و طلاء الأظافر على مواد كيميائية ضارة ، وبينما بتدعى بعض العلامات التجارية و تروج لنفسها على أنها “آمنة” و “غير سامة” ، الا إن ملمعات الأظافر المسامية بتحتوي على مواد كيميائية أقل من التقليدية بالفعل, فهتقلل بشكل غير مباشر تلف الظفر .

لأنه بينشف بسرعة

و ده يعتبر من أحلى و اكثرالأسباب المشجعة لأستخدام الطلاء المسامي! وهى انه بينشف بسرعة, ومش بياخد وقت زى الطلاء التقليدى

لأنه بيدوم لوقت أطول

نظرًا لأن طلاء الأظافر التقليدي بيتسبب في تراكم الزيت او طبقات الطلاء تحته ، فبيتسبب في تشقق الأظافر. لكن بالنسبة للمسامي بيسمح  للزيوت بالتحرك من خلال أظافرك وبالتالى بتلتصق الطبقات ببعضها البعض بشكل أفضل وبيدوم لفترة أطول.

نصائح لتجربة الطلاء المسامى

١. ابردى ظفرك برد خفيف وتخلصى من اى حبيبات برد على الظفر قبل وضع المانيكير.

٢. استخدمى كحول لمسح أى بواقى زيوت أو كريمات من على ظفرك.

٣. اتأكدى من أستخدامك طبقة حماية من طلاء البييزكووت (طبقة أساس) و بعد وضع المانيكير, وضعة طبقة من طلاء التوب كووت.

      ٤ ترشيحات من مفضلاتنا فى سورس بيوتى للطلاء المسامي 

جربى مناكير اير بريثابل رقم 6 من لونا  لون أحمر كلاسيكى هيناسبك فى أى مناسبة . لو بتفضلى الأحمر الأغمق او الداكن جربي درجة رقم 4 من نفس النوع , لون برغاندىى (عنابى) مميز هيتناسب معاكى طول السنة. لو بتدورى على لون ناعم و مختلف جربي لى لى وايت برييزمن رانواى او كمان جربي ميك مي بلاش برييز من رانواى كمان هيعجك!  متنسيش تتأكدى من أستخدامك طبقة حماية من طلاء بييزكووت (طبقة أساس) و بعد وضع المانيكير, ضعي طبقة  من طلاء التوب كووت. احنا فى سورس بيوتى جربنا  نيل جارد بييز كووت من  رانواى و عجبنا. كمان جربنا سييل ذا دييل توب كووت من رانواى ومن لونا كمان توب كوت اير بريثابل جربيهم!

لو فعلا عندك استعداد تحافظى على أظافرك وتعتنى بيهم, يبقى لازم تبتدى تستخدمى الطلاء المسامي من حين لأخر. هيفرق معاكى سواء كعناية وتقليل الضرر, وكمان كـ لون يدوم طويلا. جاهزة تجربيه, يلا حالا!

مصدر الصورة: Pinterest

مشاركة تعليق