أشهر ٥ خرافات منتشرة عن البشرة

من كتر أهتمامنا ببشرتنا  وخوفنا إننا نضرها . أحيانًا بنصدق معلومات بنسمعها من أصحاب وقرايب عن العناية ببشرتنا من غير منتأكد من صحتها. و للأسف بعد فترة بيحصل مشاكل للبشرة و مش بنكون عارفين إيه السبب! لو بس نتأكد قبل أى خطوة بنعملها هيفرق كتير! عشان كده جمعنا لك أشهر ٥ خرافات متداولة مابين الستات. كملى قراءة المقال ده وحافظى على بشرتك!

تعرفى إن الناس اللى بشرتها جافة بيعجزوا بسرعة؟

دى من أشهر الخرافات اللى ناس كتير بتستنتجها من نفسها بسبب تفكرهم إن البشرة مش بتفرز دهون معتدلة  ومش بتلمع , فبالتالى ده سبب جفافها. وإن مع الوقت التجاعيد هتظهر أسرع والجلد هيكرمش وهتظهر علامات الشيخوخة بدرى بدرى! المفجأة إن التدخين و التعرض للتلوث البيئى هما  أكثر الأسباب ألمسببة لظهور علامات تقدم السن, مش نوع البشرة زى ما بعضنا فاهم!

خلى بالك متستخدميش المياة الباردة ولا الساخنة على بشرتك عشان غلط!

هى مش فكرة إنها غلط ولا صح ولاخطر ولا لأ, على قد من إننا بنحاول نغير من عادتنا اليومية عشان نحافظ على صحة بشرتنا. بس لو هنتكلم عن أيه الصح. الصح إن تكون المياه  فاترة  وقت إستخدامها على وجهنا أو حتى جسمنا, عشان منتسببش بأى شكل من الأشكال فى جفافها أو التسبب فى إلتهابها.

يابنتي أنا جربت المنتج ده ومش عايزة أقولك من كتر مهو فعال حسيت بلسعة فى بشرتى فى وقتها!

خلى بالك بمجرد إستخدامك لمنتج جديد وحسيتي بلسعة أو بحرقان فى جلدك, متستنيش, وإغسليه فورا! لأنه ببساطة مش مناسب لبشرتك وهيسببلك إلتهاب و ضرر إنتي فى غنى عنه, ومتسمعيش كلام الناس. أرجعى دايماً لطبيب متخصص.

بلاش تعملى سكراب وتقشير لبشرتك لأنها هتلتهب وهتسببلك علامات فى وجهك!

مش صح إن عمل تقشير واسكراب للبشرة هيتسبب فى الألتهاب وإنه هيجرح بشرتك! الصح هو إنه يتكرر مرة لمرتين بالكتير فى الأسبوع  ويتم تدليكه بلطف على البشرة. والأهم من ده هو إختيارك للنوع المناسب لبشرتك واختبار حساسيته. الاسكراب أو التقشير مهم جداً وبيساعد على تنشيط الدورة الدموية وبالتالى بيحسن من ملمس ومظهر البشرة.

اًنتى لسة بيظهرلك حبوب شباب ازاى وإنتي عديتي فترة المراهقة من  زمان!

ظهور حبوب الشباب فجأة مش مقتصر بس على سن المراهقة والبلوغ. وارد جداً فى أى سن يظهر حبوب  للبشرة وبيكون ده رد طبيعى فعل من الجلد و بيرجع لأسباب كتير.

وأخيراً بننصحك إنك ترجعى لطبيبك المتخصص للتأكد من صحة المعلومة وبلاش تعتمدى على خبرات الناس اللى حواليكى وبس!.

مصدر الصورة: Pinterest

مشاركة تعليق