أفضل أنواع مثبت المكياج

في ايام بتحتاجي ان الميك اب يدوم لأطول فترة ممكنة سواء كان عندك اجتماع او حفلة أو فرح أو حتى يوم مليان نشاطات، في كل الحالات دي بنحتاج سبراي مثبت عشان يخلي الميك اب بتاعنا يفضل في مكانه وفي كل الحالات دي ضروري نختار سبراي مناسب لنوع بشرتنا لأن في منتجات متعددة تتماشى مع البشرة الجافة أو الدهنية والعكس بالإضافة ان كل سبراي مثبت بيدي نتيجة مختلفة وده عامل ممكن يحيرك وانتي بتشتري سبراي مناسب مع احتياجاتك. سورس بيوتي كتبت لك المقال اللي هتساعدك في اختيار المنتج الافضل لبشرتك

مثبت All Nighter من Urban Decay

أولاً لازم نبدأ بالسبراي المثبت الكلاسيك المفضل عندنا من Urban Decay، السبراي ده بقاله مده في السوق وأصبح كمان واحد من المنتجات المثبتة للميك اب او يستخدم قبل الميك اب اللي يعتمد عليه. لو انتي عايزه الميك اب بتاعك يدوم من طول اليوم جربي السبراي ده. معروف بقدرته على الثبات لمدة طويلة وكمان مناسب لجميع انواع البشرة. والأحلى من كل ده كمان فيه تقنية بتتحكم في الحرارة بمعنى ان كام رشه منه هتقلل درجة حرارة الميك اب بتاعك وهيحافظ عليه من الذوبان حتى في الأيام الحر جداً او المناخ الرطب.

مثبت Prep + Prime Fix+ من MAC

سبراي MAC مثبت تاني مشهور بفاعليته، من اسمه هيدلك على أفضل طريقة لاستخدامه ممكن ترشي منه على وجهك قبل ما تعملي ميك اب كامل أو بعد ما تحطي الميك اب عشان يثبت مكانه في الحرارة. سبراي مرطب جداً وفعال على الوجه والبشرة.

مثبت Luminous Dewy Skin Mist من Tatcha

لو انتِ بتتجنبي استخدام الهايلايتر والبرونزر مع الميك اب وعايزة لوك خفيف كله نضارة وتألق جربي السبراي البديل لمثبتات الميك اب الثانية، هيدي بشرتك الانتعاش ولوك ندي وطبيعي. السبراي مركب من أكثر من عشرين زيت نباتي طبيعي وده يخليه مثالي لأصحاب البشرة الجافة. كمية بسيطة جداً منه على بشرتك هتكفي وتزيد.

مثبت Makeup Fixing Mist من Pixi

سبراي مثبت لازم تاخديه معاكي في الشنطة مش بس ممتاز في انه يحافظ على الميك اب بتاعك زي ما هو طول اليوم لكن إضافة ماء الورد والشاي الأخضر فيه هينعش ويرطب بشرتك.

مثبت Mattifying Setting Spray من Cover FX

لو بتعاني من بشرة دهنية بتبوظ لك الميك اب بتاعك على مدار اليوم السبراي ده هيساعدك في التحكم في الدهون، خالي من الكحول، تركيبة بتجف بسرعة من غير ما تسبب الجفاف لبشرتك ويديها لوك مات خالي من اللمعان.

 

حقوق الصورة: Pinterest

مشاركة تعليق