أفضل المنتجات للعناية بنوع شعرك

تعبتي من محاولة إصلاح شعرك ومن إنك تلاقي روتين يناسب نوعه وكمان يكون سهل؟ البحث عن روتين للعناية بالشعر ممكن يكون مهمة صعبة ومجهدة. ومعرفة المنتج المناسب لنوع شعرك وامتى تستخدميه مجهد لكن لحسن الحظ حل المشكلة دي سهل. وهو إتباع روتين عناية بسيط. ما تتعبيش نفسك مع قائمة منتجات من ماسكات وسيروم للشعر وأختاري منتجات تناسب نوع شعرك. اعرفي معانا أفضل المنتجات المناسبة لنوع شعرك في المقالة دي.

الشعر الكيرلي

بالنسبة لناس كتير التحكم في الشعر الكيرلي بياخد وقت ومجهود. الأهم بالنسبة لصاحبات الشعر الكيرلي هو التركيز على ترطيب الشعر. لأن أكبر مشاكل الشعر الكيرلي هو الجفاف والشعر الهايش. استخدام منتجات تضيف ترطيب للشعر وفروة الراس هيحسن من شعرك الكيرلي.

شامبو للشعر الكيرلي – إن ناتشورال
شامبو الشعر الكيرلي من إن ناتشورال هيحسن شكل الكيرلز وتموجات الشعر ويمده بالترطيب الضروري. تركيبة لطيفة  منظفة للشعر مش هتجفف الخصلات أو تزيل الزيوت الطبيعية اللي فيه وهتحافظ على شكل الكيرلز.

جل بذرة الكتان من إيفز
منتجات بذرو الكتان معروفة بفعاليتها على الشعر الكيرلي. جل بذرة الكتان المعزز باللافندر غني بالأحماض الدهنية والأوميجا 3 المحفزة والمغذية لخصلات الشعر وفروة الراس وهتخلي شعرك فيه حيوية والكيرلزمحددة.

موزع شعر قابل للطي – ذا هير أديكت
لو عايزة شعر كيرلي حيوي بجد وكل خصلة باينه، وشعر خالي من التطاير يبقى لازم تستخدمي موزع هواء في الروتين بتاعك. موزع الهواء هيسرع مدة جفاف الشعر بعد غسلة، وهيخليه مرن، ومليان، وكثيف أكتر.

الشعر الأملس

لو شعر بطبيعته مفرود يبقى أكيد بتخافي من تراكمات الأوساخ والدهون الزيادة عليه وكنتيجة لده شعرك بيتقل وينزل ويفقد حيويته. للبنات اللي شعرها مفرود بيكون صعب إنها تلاقي منتجات تضيف كثافة ولمعان من غير ما يفقد شعرها الحركة أو يتقل.

شامبو بشعبة الليمون – ساسكيا
شامبو ساسكيا مصنوع من مكونات طبيعية وزيوت ضرورية قادرة على تنظيف وتغذية الشعر. استخدام الشامبو ده يومياً هيمنع دهنية، وإتساخ، وتقل الشعر.

شامبو جاف – دونا ناتشورال
لو مش بتقدري تغسلي شعرك كل يوم استخدمي شامبو جاف عشان يتخلص من الدهون الزيادة والتراكمات ويدي لشعرك كثافة. ريحة اللافندر اللي في الشامبو ده هتساعد في التخلص من أي الروائح الكريهة.

مشط خشب – سكروبي بوبي
حافظي على شعرك صحي مع المشط الخشب ده. مشط اسنانه واسعة هيمشي ما بين خصلات شعرك بسهولة ويقلل التسكر والتلف.

الشعر الجاف

سواء كان شعرك كثيف، أو خفيف، أو أملس، أو كيرلي الشعر الجاف ممكن يصيب أي نوع من أنواع الشعر. والمعاناة من شعر جاف ومتضرر ممكن يؤدي لإحباط، وهي مشكلة ما حدش عايزها، لكن لحسن الحظ في منتجات كتير ممكن تعالج مشكلة الشعر الجاف.

ماسك مغذي للشعر – بابلز
قناع الشعر ده غني بزيت الأرجان، وزبدة الشيا والعسل ومناسب لجميع أنواع الشعر. مكوناته هتقدر تحسن كتير من حالته ولمعان وترطب شعرك.

بلسم الأرجان والشيا – جيزمو
بلسم الشعر الفعال هو الحل لإعادة إحياء الشعر الجاف والتالف. البلسم ده من جيزمو معزز بزيت الأرجان، وزبدة الشيا ومزيج من الزيوت العطرية الأساسية الطبيعية التانية اللي هتحبس الترطيب وتروي خصلات شعرك وترجع له لمعانه.

مشط ذا أوريجينال – بلاك بانثر – تانجل تيزر
فكي تشابك شعرك ووزعي الزيوت الطبيعية اللي فيه على كامل خصلات الشعر مع تانجل تيزر. تمشيط الشعر هيساعد في تنعيم الشعر ومنعه من التكسر.

الشعر الدهني

لو بتتعاملي مع شعر دهني يبقى غسله بشكل يومي أساسي بالنسبة لك. لو فاكرة أن الشعر الدهني م مالوش علاج لكن استعمال بعض منتجات الشعر بطرق معينه هيحارب الإفرازات الدهنية الزيادة. على سبيل المثال عند استعمال البلسم حاولي تركزي المنتج على أطراف الشعر بس بدلاً من الجذور. بعض التغيرات البسيطة في روتينك هيقلل من تراكمات الدهون.

جو سوي اون روت – سيروم التحكم في الشعر الهايش – براس
سيروم مركب بالتحديد للشعر الدهني عشان يساعد في السيطرة على الشعر الهايش والمتطاير وكامن يغذيه.

ميست الشعر – لو مييل
إضافة كثافة لشعرك هيخلي شكله صحي وطبيعي المميز في الميست ده هو أنه هيقلل من مظهر الدهون في الشعر ومثالي للإستخدام بعد الشاور على طول.

مصدر الصورة :Pinterest

مشاركة تعليق