أفضل ماركات الماسكارا لإطالة وتكثيف الرموش

كل واحدة فينا بتحب براند ماسكارا معين اتعودت تستخدمه. وفي نفس الوقت كلنا هدفنا من استخدمها هو عيون أوسع وأكثر بريق. وعشان نعمل اللوك ده لازم رموش طويلة ومرفوعة. البحث عن ماسكارا مناسبة مش دايما سهل بسبب كثرة الماركات الموجودة في السوق دلوقتي، لأنك مضطرة تفكري في عدة عوامل زي الكثافة اللي بتديها الماسكارا، وتركيبتها وحتى إلى شكل الفرشاة. زي ما عودناكي أحنا سهلنا لك الدنيا وجمعنا لك أفضل ماركات الماسكارا اللي هتساعدك في إطلالة رموش خلابة

ماسكارا لاطالة وتكثيف الرموش من بينيفت كوزمتكس – Benefit Cosmetics, They’re Real! Lengthening & Volumizing Mascara

ماسكارا (كيفين اكوان) حصلت على أكثر من 15.000 كومنت على الموقع الشهير سيفورا اللي يثبت أنها جذبت قاعدة جماهيرة كبيرة، لأنها مثالية للحصول على رموش ساحرة وكثافة حقيقية. تركيبة الماسكارا مصنوعة بحيث أنها لا تجف وتتساقط أو تسيح على العين واللي يخليها مثالية للاستخدام لسهرة ليلية. كمان أسنان الفرشاة مختلفة الأحجام بتدي طبقة مناسبة وترفع الرموش في نفس الوقت.

Kevyn Aucoin, The Volume Mascara

ماسكارا الكثافة من كيفين أكوان يا بنات أخيراً لاقينا الماسكارا اللي هتدي شكل رموش طبيعي وناعم من غير تكتل أو تقشر. وأجمل من كل ده أن يمكن إزالتها بسهولة جداً لدرجة انك مش هتفكري ترجعي تاني للماسكارا العادية. دلعي نفسك وجربيها وروتين الميك اب بتاعك هيتغير 180 درجة. ننصحك بها لأنها تستاهل كل قرش.

ماسكارا المليون مش من لوريال باريس – L’Oreal Paris, Volume Million Lashes Feline Mascara

إذا كنتِ من محبين شكل الكات أي (Cat eye look) يبقى لازم تجربي الماسكارا دي، الماسكارا اسمها على مسمى (الهرة)لأن شكل فرشتها المقوسة هيمنحك رموش متوزعة بالتساوي. مجرد استخدمي الفرشاة عشان تحطي طبقة من الماسكارا لإطالة الرموش وتوزعها من الجوانب العين للخارج لمظهر كت أي جذاب.

رموش كثيفة مع ماسكارا شارلوت تيلبوري – Charlotte Tilbury, Full Fat Lashes

بعد إطلاق فنانة الميك أب شارلوت تيلبوري البراند الخاص بها وكسر الدنيا من غير شك الماسكارا المصنعة أنها تحقق أفضل النتائج. ماسكارا فيها كل اللي بتدوري عليه: طول، كثافة ولون أسود داكن زي الليل لعيون جذابة وساحرة. تركيبتها مناسبة جداً للأيام الطويلة والسهرات يعني مفيش ماسكارا سايحه على عينيك أو تقشر. تأكدي انك هتحصلي على أجمل رموش مع ماسكارا شارلوت تيلبوري.

ديور شو من ديور – Dior, Diorshow Mascara

لو عايزة مظهر رموش بسيط وطبيعي إذا ماسكرا ديور شو (Diorshow) هي افضل اختيار ليكي. جزء من جمال الماسكارا دي هي تركيبتها المبهرة، بسهولة تقدري تزودي طبقات منها على رموشك على قد ما تحبي من غير اي تكتل. ممكن تعملي لوك طبيعي وبسيط الصبح ولوك درامي أكثر في فترة الليل

ماسكرا هيبنوسيس ضد الماء من لانكوم – Lancome, Hypnose Drama Waterproof Mascara

ماسكارا قدرت انها تجمع كل الخصائص السحرية في منتج واحد، لأنها مقاومة للماء وبتحافظ على طول وكثافة الرموش والفرشاة الخاصة بها بتغطي وتكثف الرموش من أول مرة. زيادة على ده كمان هو انك تقدري تحطي عدة طبقات منها زي ما انتِ عايزة.

حقوق الصورة :Pinterest

مشاركة تعليق