مين يصدق أننا في شهر يونيو؟ الوقت بيعدي بسرعة وأحنا متحمسين لدخول فصل الصيف بجد. ومع فصل الصيف بنكون مهتمين أكتر بشراء منتجات التجميل عن أي وقت تاني لأن كل واحدة فينا بتحاول تقدم نفسها بأفضل ما يكون وتحس بكامل ثقتها بنفسها سواء على شط البحر أو لمناسبة أو حروجة بليل أحنا جمعنا وأختارنا أفضل منتجات التجميل العالمية والمصرية لشهر يونيو في المقالة دي.

ماركات محلية

شامبو زيت الأرجان – سومافي

ماركة سومافي مش بقالها كتير في السوق لكنها من الماركات اللي عملت ضجة كبيرة من بداية ظهورها بمنتجات للعناية بالشعر من شامبو وبلسم. من أفضل أنواع الشامبو اللي أطلقتها ماركة سومافي هو شامبو خلاصة زيت الأرجان الغني كمان بزيت الجزر وخلاصة الشاي الأخضر. الشامبو ده مثالي للشعر منخفض المسامية والضعيف لأنه يعمل على تنظيف هلاصة وفروة الرأس بلطف ويمد الشعر بالزيوت الطبيعية ويقلل القشرة والتلف. استعملي مع الشامبو بلسم زيت الأرجان واستمتعي بشعر صحي، وقوي، وحيوي طول فترة الصيف.

كريم نهاري لتفتيح البشرة – نويت فرانس

تركيبة كريم نويت فرانس النهاري تعمل على توحيد لون البشرة وقوامه الخفيف حلو أوي للاستعمال في فصل الصيف. كريم نهاري معزز بفيتامين سي يعمل على حماية بشرة الوجه من أضرار أشعة الشمس ويقلل من مظهر البقع الداكنة وبيخلي البشرة أفتخ وأكتر صفاء.

كريستال ميوز – كرات الثلج لتدليك الوجه

مع دراجات الحرارة العالية اسم المنتج ده لوحده هيخلي أي واحدة بتحب العناية ببشرتها عايزة تشتريه. كرات الثلج لتدليك الوجه من كريستال ميوز يعملو على تحفيز الحركة الدموية، وإعادة إحياء حلاية الجلد وكمان تهدئة وتقليل تهيج الجلد.

نصحية: لو بتعاني من حبوب متورمة على بشرتك  أو مش بتختفي حطي كرات الثلج عليهم عشان تساعد في تقليل حجم الحبوب وتخفيها مش باينه  أوي.

كوريكت – أريج أروماثيرابي

وبما أننا بنتكلم عن الحبوب لو محتاجة حاجة تعالج الحبوب المنتج ده مضمون في أنها يتخلص منها مع الاستعمال المستمر. دلكي كمية منه على الحبة بعد غسل البشرة ولاحظي الفرق في بشرتك من أول استعمال. كوريكت مصنوع من مزيج زيوت اللافندر، والجيرانيوم، وزيت النعناع الفلفي، وكلها زيوت منقية مش هتسبب جفاف لبشرتك.

بلسم ليف إن – بليس

من أهم منتجات الشعر المتاطير، والهايش، والجاف- والشعر الكيرلي، بلسم ليف إن من بليس حلو أوي للشعر منخفض المسامية، يتغلل بسهولة في مسام الشعر ويمدها بالترطيب والتغذية بفضل إحتوائه على زيت الجوجوبا عميق الترطيب. البلسم هيمد الشعر بالمعان ويخليه ناعم. استعملي كمية صغيرة منه على شعر مبلل بداية من النصف حتى الأطراف ومشطي شعرك بمشط أسنانه واسعة أو بأطراف الأصابع وصففي شعرك بعديها زي ما تحبي. كمان ريحة البلسم جميلة ودي لوحدها ميزة في أي منتج للشعر.

ماركات عالمية

بلش ستيك من ويست مان أتيلير

بلاشر قلم للخدود والجفون والشفايف مركب من مكونات مفيدة للبشرة تعمل على توازن ترطيبها وألوانه مثالية للصيف. قوامه المرطب هيخلي شكل البشرة نضر وندي ويدي لون واضح من أول استعمال (كمية قليلة منه كافية للون واضح) أنا من أكبر معجبين الميكب الطبيعية في فصل الصيف والبلاشر ده بيدي النتيجة دي.

تونر واترميلون جل, – جلو ريسيبي

أحنا بنحب التونر جداً لأنه من المستحضرات اللي بتساعد على إنعاش البشرة وتجهيزها لباقي روتين العناية بالبشرة بتاعنا ويخلي المستحضرات التانية تدي مفعول أفضل وتمتصها البشرة بشكل أفضل. التونر ده من (جلو ريسيبي) يعمل على موازنة ترطيب البشرة وشد المسام  بالإضافة لتقليل حدمها ويعزز من ترطيب الجلد. التونر فيها مزيج مقشر مرطب عشان يخلي البشرة متوهجة وملمسها ناعم.

برايت فيكس اًي برايتنر – فينتي بيوتي

مين ما بحبش ميكب ومنتجات (فينتي بيوتي) تركيبة مفتح العيون دي من فينتي بيوتي القابل للبناء هيرطب العين ويديها إشراقة فورية ويخفي الهالات السوداء ويصحح مظهر منطقة العين. مع السهر الكتير والتعب منطقة أسف العين الرقيقة بتكون أول جزء من البشرة يبان عليها الإجهاد والتعب ومفتح ومصحح منطقة العين ده مثالي عشان يتخلص من إجهاد العين في أي وقت وأي مكان.

صابون روز للجسم – ماريو بيدسكو

في فصل الصيف مهم جداً أنك تستعملي سائل استحمام، خصوصاُ وانتي راجعة من الشط وبشرتك كلها ملح وتراس من المياه ورملة الشط وأي مواد تانية موجودة في مياه البحر. كيب ايه أنسب طريقة تعتني بها ببشرتك في الحالة دي؟ استعملي سائل استحمام مرطب ولطيف على بشرتك. من أفضل منتجات تنظيف بشرة الجسم هي صابون الجسم روز من ماركة (ماريو بيداسكو)  الخالي من السلفات وبيعمل رغوة ناعمة وينظف البشرة من غير ما يسبب جفافها ويمدها بالترطيب اللازم. الصابون ريحته ورد وينعش أحساسيك وبشرتك بعد الشاور

ثنائي الخدود صمر سوليتير – نارس

برونزر للخدوم والوجه الثنائي من ماركة (نارس) لمستحضرات التجميل بألوان هتدي بشرتك توهج ذهبي جذاب. البرونزر مصمم عشان يدي درجات من الدفئ للوجه ويحدده ويخلي شكة ندي وصحي. البرونزر هو عبارة عن بودرة مضغوطة مألوان مثالية لفصل وميك اب الصيف.

مصدر الصورة: Pinterest

مشاركة تعليق