على قد ما بنحب سمار الصيف والسباحة تحت أشعة الشمس الدافية لساعات طويلة إلا أن التعرض لأشعة الشمس الكتير ممكن يسبب جفاف وتهيج البشرة. عشان كده أحنا محتاجين أننا ديماً نغذي بشرتنا وشعرنا بمنتجات ترطبها وتغذيها وتفيدها ونضمن أننا نحافظ على صحتنا ونستمتع بإجازة الصيف على الشط. أي نوع من أنواع الميست المرطبة سواء للبشرة أو الشعر أو الليف إن، كلها بتساعد على الحفاظ على بشرة وشعر صحي ولامع. في المقالة دي أختارنا أفضل أنواع الميست المرطبة لفصل الصيف. 

ميست مرطب للوجه – إسنشالز 

ميست إسنشالز المرطب، مناسب لجميع أنواع البشرة ومثالي لفصل الصيف. الميست هيدي البشرة إحساس بالبرودة وتركيبته الغنية بحمض الهيالورونيك والبانثينول هتحبس الترطيب داخل البشرة وتعيد إحياء البشرة الباهتة وشديدة الجفاف. كمان فيه مكون خلاصة الألوفيرا وهي واحدة من المكونات المغذية للبشرة اللي بتعمل على ترطيبها وإنعاشها في يوم صيفي حار.

سبراي صن اند سي لحماية الشعر من الشمس بمعامل حماية 15+ – إيفا

سبراي صن اند سي من إيفا يعمل على حماية الشعر من الضرر، والتلف، والجفاف، ويمنع الأطراف المتقصفة، وتكسر الشعر، أو فقدانه للبروتين. بالإضافة لمنع فقدان الشعر لونه بفعل أشعة الشمس فوق البنفسجية والحمراء. استعملي سبراي إيفا على شعرك لو هيتعرض لأشعة الشمس لفترات طويلة وحافظي على شعرك ناعم، ورطب وصحي.

ماء ورد اريج – أريج أروماثيرابي

استعملي ماء الورد للبشرة من أريج كتونر لإنعاش البشرة وتنقيتها وترطيبها لأن فيه فوائد متعددة منها تنقية المسام ومد البشرة بالإحساس بالإنتعاش وتقليل إحساس تهيج الجلد. ده غير ريحته الجميلة والمهدئة.

سبراي ليف إن سيتروس وأرجان – ارث باث

سبراي غني بخلاصة الأرجان، والحمضيات، والألوفيرا، والروزماري… نقول كمان؟ السبراي الليف إن عميق التغذية مش بس هيرطب الشعر لكن كمان يعمل على حمايته ويحارب ويتحكم في الهياشان والتطاير، ويفك تشابك الشعر ويخليه ناعم وحريري.

جلوينج فيشال تونر – سنسيرا أروماثيرابي

تونر من سنسيرا أروماثيرابي هيخلي البشرة متوهجة طبيعياً، ويمدها بالترطيب، ويشد مسام البشرة. مش بس كده، كمان ريحته الحلوه هتديكي إحساس وطاقة إيجابية.

مصدر الصورة: Pinterest

مشاركة تعليق