“بحب شعري لأنه إنعكاس لروحي، هو كثيف، ومنعكش، وناعم، ومموج، وصعب، وسهل، وممتع، عشان كده بحب شعري” – تريسي إليس روس

سواء كان مفرود، أو ممزج، أو تقيل، أو خفيف، شعرنا هو جزء كبير مننا، هو واحد من الحاجات اللي كنساء بنستخدمه للتعبير عن نفسنا. في رأينا، هو واحدة من الأدوات القوية للمرأة. وعشان كده لازم نحافظ على صحته وجمالة على قد ما نقدر، وهي مهمة في حد ذاتها مش سهلة. خلينا نواجه الحقيقة. الفنانة تريسي إليس روس أكيد مرت بأيام كرهت فيه شعرها زينا كلنا. لحسن الحظ أحنا جمعنا أفضل 10 منتجات معالجة للشعر تستاهل انك تجربيها واللي هتغير شكله وتدي له عناية أكتر بتاج براسك.

منتجات عالمية

Neutrogena, Triple Moisture Deep Recovery Hair Mask

ماسك شعر معروف بفعاليت وواحد من الماسكات القديمة في السوق. يحتوي على خلاصات طبيعية زي زيت الزيتون، ماكاديميا، زيت اللوز الحلو عشان يعالج الشعر الجاف بزيادة ويمده بالترطيب. استعمليه مرة في الأسبوع وأشكرينا بعدين!

Shea Moisture, Coconut and Hibiscus Curl Enhancing Smoothie

المنتج ده للشعر لملكات الشعر الكيرلي. منتج محبوب جداً غني بزبدة الشيا العضوية المرطبة، ومشبع بمكونات طبيعية تانية زي عصارة وزيت جوز الهند، بروتين الحرير وزيوت عطرية تانية عشان يدي شعرك بالترطيب الضروري. منتج تصفيف الشعر ده هيخلي الكيرلز بتاعتك كلها حياة ولامعة ويحافظ على صحة شعرك.

CHI, Silk Infusion Reconstructing Complex

من المنتجات اللي محبوبة بردو هي علاج الليف سيلك إن من تشي اللي يساعد على تقليل تكسر الشعر وحمايته من الحرارة المستمرة . هيمد شعرك بالقوة ويحافظ على نعومته ويسهل التحكم فيه بفضل المكونات زي الحرير والقمح وبروتين الصويا.

Moroccanoil, Restorative Hair Mask

خلي شعرك لامع وصحي في 5- 7 دقايق بس مع ماسك الشعر المشهور من موروكان أويل لو حاسة أن شعرك مجهد من استخدام الحرارة الماسك المعالج ده هينساعدك جداً. ماسك بسيط مش بياخد وقت عشان يديكي نتيجة، الماسك هيبني شعرك من تاني بفصل التركيبة اللي بتحتوي على زيت الأرجان، وزبدة الشيا وبروتين الكيراتين اللي هتعزز من شعرك بشكل عام.

Kérastase, Masque Extentioniste

نفسك في شعر أطول؟ ماسك كيراستاس هيديكي شعر أطول وصحي أكتر زي ما بتتمني. يحتوي على مكونات الكيراتين أر وهو حمض أميني معروف بقدرتة على تحسين ألياف الشعر وتقوية الخصلات من الراس لحد الأطراف. وحمض المالييك هيخلي شعرك يطول من غير أي تقصف.

ماركات محلية

Braes, Il n’y a pas le feu! ماسك عميق الترطيب للشعر

ماسك خالي من البارابين والسلفات والعطور، عني بزبدة الشيا وزيت الأرجان، عميق الترطيب للشعر ومثالي للأيام اللي شعرك محتاج فيها عناية زيادة بعد السباحة والتعرض للشمس. الماسك هينعش شعرك ويفك التشابك ويرطبه، ويقلل الشرر الناتج عن الميه المالحة والكلور.

Dosha, Shea Butter Hair Mask

زبدة الشيا الساحرة. نحب ناخد الفرصة دي عشان نكرر من جديد جمال وفعالية المنتج ده على الشعر. ماسك بمكونات معجزة في عبوة مكونة من خليط زيت الكوكوي، وزيت جوز الهند العضوي اللي هيساعد في تغلغل الماسك في الخصلة ويدي شعرك صحة ونعومة.

Gizmo, Regrowth Hair Oil

من أحلى منتجات الشعر من جيزمو مركب من مجموعة زيوت مع خلاصة الحبة السوداء، وخلاصة القهوة وفيتامين إي اللي بيعملوا معاً على تحفيز نمو الشعر ويعالجوا الأطراف المتقصفة وإعادة إيحاء الشعر ولمعانة.

Hair Addict, The No Poo Recipe

شامبو ذا هير أدكت الطبيعي تماماً مصنوع من أوراق السدر المقطوفة يدوياً ومجففة في درجة حرارة مناسبة. الفكرة الرئيسية للتركيبة دي هي الاحتفاظ بالمكونات الفعالة لأوراق السدر عشان تدي شعرك الكثافة والترطيب من غير ما تجرد شعرك من زيوتة الطبيعية. وبما اننا بحب المنتجات اللي مكوناتها طبيعية اعرفي ان الشامبو ده فيه خصائص مضادة للإلتهابات ومناسب للشعر المصبوع والمعالج كميائياً.

Noon, Deep Hydration Hair Conditioner

خليط من زهرة إبرة الراعي، وزيت الأرجان، وزيت الأفوكادو. أكيد اقنعتك بالكام مكون دول.. الماسك ده هيقلل من الهيشان والشعر المتطاير الغير مرعوب فيه ويرجع اليحوية لشعرك ويعيد ترطيبه وتقوية.

مصدر الصورة: Pinterest

مشاركة تعليق