ما بين بناطيل الكارجو، وربطات الشعر القماش، واساور الصداقة، موضة توهج التسعينبات رجعت تاني، لأن الزيوت الشيمر بقت منتج تجميلي أساسي الصيف ده. مش بس لأنها مرطبة ومغذية لكن كمان بتخلي بشرتك شكلها لامع ومشرق وساحر. لو بتدوري على بشرة متوهجة أكتر، أحنا جمعنا أفضل 4 زيوت شيمر المفضلة عندنا عشان تدي بشرتك نعومة ولمعان اللي بتحلمي به.

بيرل اب بايب – درجة بيرلاسنت من إسنشالز

لو عايزة لمعان شكله طبيعي المنتج ده لكي. إسنشالز ديماً بتبهرنا بمستحضراتها التجميلية وزيت بيرل اب بايب – بيرلاسنت هيرضي توقعاتك. الزيت هيدي بشرتك شكل منتعش وندي يدوم طول اليوم.

زيت شيميري مسمر من هافن

لحسن حظنا هنا في مصر أن الصيف موجود لفترة طويلة جداً واللي بيسمح أننا نعمل تان حتى في شهر نوفمبر. زيت هافن هو واحد من أكتر الزيوت مبيعاً على سورس بيوتي، واللي هيدي بشرتك لون برونزي طبيعي ويساعدك في تحقيق بشرة واخدة لون شمس ساحر. الزيت كمان خالي من المواد الكميائية والمواد الحافظة وغني ببذور الجزر، والزيوت الأساسية والقهوة يعني بشرتك هتحس وتبقى مشدودة ومنحوتة أكتر.

ملمع جسم دهبي من دونا ناتشورال

احنا مدمنين ملمع الجسم من دونا ناتشورال. الملمع قوامه شبه الجل، وتركيبة خفيف وسلسة في الاستعمال على البشرة وهتديكي نتيجة روعة. كل ما زودتي كمية الطبقات كل ما زاد توهج بشرتك.

زيت شيميري كاراميل من جيزمو

زيت جيزمو الشيميري هيديكي بشرة مثالية وتوهج خيال يناسب الأقات اللي محتاجة فيها بشوية لمعان زيادة. المميز في الزيت ده هو أنه فيه عامل حماية بنسبة 15% عشان تحافظي على صحة بشرتك وجمالها في نفس الوقت.

مصدر الصورة: Pinterest.com

مشاركة تعليق