عمرك جربتي تستعملي أداة تجميلية على بشرتك؟ كلنا عارفين ومجربين الكريمات، والسيروم، والمقشرات وايه اللي يناسب كل نوع بشرة. لكن لو عايزين نحسن من روتين العناية بتعانا وندي له وقت أكتر ونسترخي ونستمتع به هنلاقي أدوات منزلية متنوعة ومبتكرة وسهلة الاستخدام لتدليك وتقشير وتنعيم الجلد. في المقالة دي هنتكلم عن بعض الأدوات الأساسية.
كرات الثلج لتدليك الوجه – كريستال ميوز
أتعودنا نعمل كمدات خيار أو أكياس شاي اخضر باردة ودلوقي بقى في حاجة تسهل عليكي تحضير أكي من المكونات دي مع كرات الثلج لتدليك الوجه من كريستال ميوز. الكرات مصنوعة مخصوص عشان تبرد بسهولة في التلاجة وتستعمليها يا إما في إزالة إنتفاخ الوجه (أو أي منطقة في الجسم) أو تهدئة تهيج البشرة، أو حتى تقدري تستعمليها على أي لسعه أو حروق. تدليك حب الشباب المتورم والملتهب هيصغر حجمها ويزيل الإلتهاب. احتفظي بالكرات دي في التلاجة في مكان نظيف ومعقم وعقميها تاني قبل الاستعمال. حجمها الصغير مثالي بردو للسفر.