أفضل 5 أنواع تونر بفيتامين سي للبشرة

فيتامين سي هو مكون فعال مش بس لمحاربة البرد لكن خلطة مع مادة الريتنول اثبت قدرته على مخاربة علامات تقدم سن البشرة وده لأنه يشجع إفراز مادة الكولاجين. بالإضافة لقدرته على التخلص من بقع البشرة الناتجة عن الشمس ويحمي البشرة ضد العوامل البيئية الضارة زي الجزئيات الحرة. فيتامين سي متوفر بأشكال مختلفة في مستحضرات العناية بالبشرة واللي ممكن يسبب لك حيرة في إختيارالأفضل لبشرتك. لكن الأبحاث اثبتت ان حمض الأسوربك فعال على البشرة.

تونر فيتامين سي من بيكسي

تونر بيكسي بفيتامين سي هيتحول لمنتج تستخدميه بشكل يومي. ماركة بيكسي عملت منتجات بكل أنواعها من فيتامين سي، منظفات للوجه، سيروم، وميست. هدف التونر هو انه يخلي بشرتك ملمسها وشكلها ناعم ونضر وفيتامين سي من بيكسي هيديكي النتيجه ده. أحلى حاجة في التونر ده مش بس احتوائه على فيتامين سي لكن كمان وجود مادة حمض الفريوليك اللي هتتخلص من خلايا الجلد الميت وتوفر لبشرتك إشراقة. تونر مثالي للاستخدام في روتين النهار على عكس أنواع تانية من التونر اللي تمنع تعرضك للشمس بعد استخدامها. منتج هتستعمليه لسنين قدام.

تونر الوجه المضاد للأكسدة من سنسيرا أروماثيرابي

تونر سحري فعال على البشرة، هيخلي شكلها وملمسها صحي وناعم. مشبع بمكونات طبيعية زي الماء المقطر وفيتامين سي. هدف التونر ده هو ترطيب البشرة من تاني بعد جفافها ومدها بالتغذية. لازم تجربي التونر ده.

تونر إسنشال سي من مراد

مفيش أحلى من تونر في عبوة سبراي من مراد، منتج استخدامه سهل وسريع. ميست الوجه هو أحسن حل لو انتي ديماً في حركة واستعجال. المميز في المنتج ده هو احتوائه على مكونات زي زهرة البرتقال المر وخلاصة زهرة الذرة اللي يقدروا يساعدوا في تقوية البشرة ضد اي اضرار بالإضافة لترطيبها في نفس الوقت.

تونر جلو جوس بفيتامين سي بخلاصة النباتات من فروم مولي ويذ لوف

تونر يمد البشرة بإشراقة طبيعية، غني بمكونات فعالة وبفيتامين سي اللي هتغير من شكل بشرتك للأفضل. المكونات دي مفيدة وصحية وده لأنها تحتوي على خلاصة أحماض الفاكهة زي البرتقال، والليمون والتوت البري المخلوطة مع قاعدة من خلاصة نبات الألوفيرا العضوي المرطب جداً بمسحة واحدة منه على وجهك، ورقبتك ومنطقة الصدر. تونر منعش، خفيف وبارد على البشرة.

تونر للوجه مفتح ومرطب بزهرة الفاونيا من فريش

ماركة فريش معروفة من زمان بمنتجاتها الطبيعية، وقوام منتجاتها الحريرية اللي تعمل على تفتيح وترطيب وتجهيز البشرة للسيروم والمرطب. التونر ده مش بس فيه فيتامين سي لكنه كمان مشبع بخلاصة زهرة الفاونيا والعرقسوس لتوحيد لون البشرة ومجها بالنعومة والنضارة. بعد ما تجربيه مش هتعرفي تستغني عنه.

مصدر الصورة: Pinterest.com

مشاركة تعليق