أفضل 5 أنواع جلوس ملمع للشفايف

كل واحدة فينا لها تفضيل معين بالنسبة لمستحضر ملمع الشفايف، في مننا مش بتحب تستخدمه وفي اللي بتنزعج من كونه لزج وبنات تاينة شايفه انه يسبب الجفاف للشفايف. لكن مش كل ملمع شفايف شبه بعضه، في منه أنواع مختلفة زي الملمع الشفاف تماماً والملون، وفي المليان جلتر. لو انتي مش عارفه ايه أكتر نوع ملمع شفايف مناسب لكي ويتماشى معاكي اقراي المقالة دي واعرفي افضل 5 انواع ملمع شفايف في السوق.

Fenty Beauty, Gloss Bomb Universal Luminizer

لما أعلنت المغنية الشهيرة ريانا عن إطلاق ماركة المكياج الخاصة بها، جلوس الشفايف ده أصبح من أكتر المنتجات المشهورة في المجموعة اللي نزلت السوق. تركيبة الجلوس الغير لزجة تسمح للمنتج انه يتوزع على الشفايف بسلاسة ويديكي لمعان أكتر. اللون الوردي المائل للبيج يليق على جميع ألوان البشرة سواء كانت بشرة داكنة أو فاتحة. جلوس شفايف ممتاز لكل المناسبات وصغير كفاية عشان تخديه معاكي أثناء تنقلاتك.

Buxom, Full on Lip Polish

لو عايزة شفايف مليانة أكتر جربي جلوس الشفايف Full on Lip Polish من Buxom. بيجي ثلاث أنواع بتدي نتائج مختلفة، لمعان فائق، معدني، ووميض عشان يعجب الكل. احتوائه على حمض الهيالورونيك والببتيد هو اللي بخلي الشفايف تملي وتعزز فيها الكولاجين.

Glossier, Lip Gloss

جلوس شفايف يناسب الكل يمنح لمعان طبيعي، يحتوي على جزيئات مضيئة صغيرة ومرطبة للشفايف. جلوس شفاف هيديكي لمعة وترطيب للشفايف في نفس الوقت.

Dior Addict, Lip Maximizer Plumping Gloss

جلوس شفايف من مجموعة Dior Backstage مش بس بيدي للشفايف لمعان لكن كمان يرطبها بعمق. مركب من حمض الهيالورونيك عشان يعمل على ملء الشفايف وترطيبها ويديها وميض لامع مثالي.

Nudestix, Nude Plumping Lip Glace

ملمع شفاه هذا بالتأكيد طبيعي. جلوس شفايف مركب من قوام كريمي عشان يتحط على الشفايف بسلاسة وسهولة المجموعة تحتوي على درجات مختلفة من الألوان اللحمية وبيدي نتيجة ناعمة ولمعان طبيعي.

 

حقوق الصورة :Pinterest

مشاركة تعليق