أفضل 5 خبراء مكياج لازم تتابعيهم

في الكام سنة اللي فاتو اتملت مواقع السوشال ميديا بالميك اب وكل ما يخص عالم الجمال. ومن الناس المفضلة عندنا واللي بنحب نتابعهم على الإنستجرام هم خبراء الميك اب. سواء كنتِ بتخططي إنك تعملي لوك لمناسبة خاصة أو عايزة تتعلمي كام نصيحة أو طريقة للميك اب، تابعي خبراء الميك اب دول وأكيد هيلهموكي. أعرفي في المقالة دي من هم خبراء الميك اب المفضلين عندنا.

( ثريا شوقي )@sorayashawky
خبيرة ميك اب مقيمة في دبي، ثريا شوقي حققت نسبة متابعين كبيرة على مدار السنين. حسابها الشبيه بالمدونة بيظهر طرق غير محدودة وإلهام لكل من الموضة والميك اب. كوجه للعلامة التجارية لنيتروجينا ثريا بتركز على أهمية العناية بالبشرة وكمان بتشتغل كأستشارية تجميل وعناية بالبشرة.

( دينا راغب ) @dinaragheb
لو عايزة تبقي في كامل تألقك يبقى دينا راغب هي خبيرة الميك اب اللي بتدوري عليها. دينا دايماً بتحقق لعملائها ميك اب مثالي وبتديكي بشرة وشكل خالي من أي عيوب. شغل دينا مع العرايس والمجلات خلاها من أكتر خبراء الميك اب شهرة في مصر.

( معصومة هاشم )@masooma.hashim
خبيرة الميك اب الخاصة بالفنانة أحلام، معصومة هاشم هي واحده من أشهر خبراء الميك اب في الشرق الأوسط. فنانة ميك اب بتقدر تعمل شكل متألق يناسب جمال ووجه المرأة العربية المعاصرة.

( سهى خوري ) @sohakhoury
خبيرة ميك اب لبنانية مقيمة في مصر، هي واحده من أفضل خبراء الميك اب محلياً. كمان هي من أهم خبراء الميك اب للمشاهير وشاركت في حملات تصوير دعائية مختلفة. قدرتها وخبرتها تتراوح ما بين عمل ميك اب درامي كامل لحد مكي اب وكل بسيط وناعم ونضيف.

( زينة النجار )@zeinaelnaggar
خبيرة الميك اب المصرية زينة النجار علمت نفسها بنفسها. واتشهرت بفضل شغلها مع العرايس ومكياجها المثالي, قدرت خبيرة التجميل إنها تبني سمعة كبيرة لنفسها. شغلها بيظهر شكل الميك اب الكلاسيكي والملهم واللي بيظهر قدرة وقوة الميك اب الغير محدودة.

مصدر الصورة :Pinterest

مشاركة تعليق