أفضل 5 طرق للعناية بالبشرة والشعر في البيت

بتقضي اكتر وقتك في البيت وعايزه تجددي وتغيري في طرق روتين العناية بالبشرة والشعر بتاعك، وتخلي الوقت ده ممتع اكتر؟ جربي الخطوات دي وانتي هتحولي بيتك لسبا خاص بيكي

عمل تمارين للوجه

لو بدوري على بديل لعمليات التجميل وشد البشرة بشكل طبيعي، يبقى اكيد سمعتي عن تمارين الوجه. تمارين الوجه هي تقنية بتعزز بشرة الوجه، والرقبة لو اتعملت بشكل مستمر وهتعمل فرق واضح في تحديد وإنحاف الخدود، وتقلل التجاعيد. دوسي على اللينك واعرفي ازاي تعملي تمارين وجه سهلة.

تمشيط البشرة الجاف

التمشيط الجاف يتضمن عمل مساج يومي للجسم باستخدام فرشاة جسم بشعيرات خشنة. معروف عن التنقية دي انها بتتخلص من خلايا الجلد الميت الناتج عن فصل الشتا، وتزيد من حركة الدورة الدموية، وتنقي البشرة، وبتساعد في تحسين عملية الهضم، وكمان تحسن من مظهر السيلوليت. التمشيط الجاف يسمح بعمل صنفرة للبشرة من غير ما يجردها من رطوبتها. خدي شاور بعد عمل التمشيط الجاف عشان تشيلي الجلد الميت والمتقشر، وادهني لوشن أو زبدة جسم عشان ترطبي بشرتك .

ماسك التحكم في حب الشباب

فكرة ماسك الوجه هي طريقة من طرق الاسترخاء اللي بتساعد تدفق الدم وده يولد بشرة أجمل. ماسك التحكم بحب الشباب يتكون من 3 مكونات: حليب، جوزة الطيب، والعسل المعروف باحتوائه على الأحماض (مقشر طبيعي للبشرة). مش بس بيحارب ندوب حب الشباب لكن كمان بيساعد على تحسين شكل البشرة ويقلل من التجاعيد مع مرور الوقت. مكون جوزة الطيب في الماسك ده هيتحكم في ظهور حب الشباب، والعسل يعتبر معالج طبيعي ومهدئ للبشرة.

ماسك الشعر

ماسك الشعر له القدرة على حماية الشعر من العوامل الضارة المختلفة وده عن طريق تغذية بمكونات ترجع له الرطوبة، وتعالج التلف ماسك الشعر مش بس هيخلي شعرك لامع لكن كمان هيدي له ملمس ناعم. رجعي لشعرك القوة، والترطيب واللمعان مع خليط مناسب لجميع أنواع الشعر: اخلطي زيت جوز الهند، عسل، والزبادي وحطيه على شعرك لمدة 15 دقيقة واغسلي شعرك بميه دافية.

سكراب الجسم المنزلي

مقشرات الجسم مفيدة لأي حد بيعاني من مشاكل البشرة. ولتعزيز سطح جلد متجدد وتحسين ملمسها. السكرابز أو المقشرات علاج ممتاز للتخلص من الجلد الميت والكشف عن بشرة جديدة وصحية. اعملي سكراب منزلي من مكونات زي العسل اللي بتحافظ على مستويات الرطوبة في الجلد، وزيت الزيتون، وخلاصة الفانيليا، كلها مكونات مرطبة وهتساعد في تحفيز تدفق الدم في الجسم، ونعومة، ورطبوة البشرة طول السنة.

 

 

 

 

مصدر الصورة: Pinterest

مشاركة تعليق