أفضل 5 عطور تحطيهم في فصل الشتاء

مع اقتراب شهور الشتا ،دولابك مش هو بس اللى محتاج تغيير. انك تجيبى برفيوم حلو الشتا دا من أهم الحاجات اللى لازم تعملى حسابك عليها . نحاول نبعد شوية عن روايح الصيف المبهجة اللى بريحة الورد و نستخدم برفيوم بريحة المسك او الخشب . فى كذا برفان يساعدوا جداً فى النقلة دى و هنقولكم على أكتر أنواع بنحبها.

Gucci, Memoire D’Une Odeur

البرفيوم دا مش بس شكله إزازته حلو و أثرى، لا دا عامل ميكس بين الكاموميل والياسمين والفانيليا و دا اللى بيخليه مناسب جداً للشتا. لا و كمان بيثبت من 10-12 ساعة فيقعد معاكى من الصبح لبليل .

Floral Street, Black Lotus Eau De Parfum

بالنسبة للناس اللى شايفين إن روايح الورد و الزهر مش مناسبة للشتا ، فالبرفيوم دا بيثبت إنهم غلطانين. لإن مكوناته الأساسية هى الكريز الإسود والفلفل الأحمر ، والزعفران ، وردة سنتيفوليا ، والجلد الأسود. التركيبة دى بتديله قوة ريحة شرقية و عشان كدا ماترشوش كتير لإنه بيثبت من أقل حاجة.

Jo Malone, Rose and White Musk Absolu by Jo Malone

سلسلة Absolu الجديدة من Jo Malone مستوحاة من حواس القلب. من المفترض أن تكون قصيدة للمشاعر العاطفية والرومانسية ، لإن المسك الأبيض و الورد هم أبطال البرفان دا مع كل الولاء ل Jo Malone لإنه بيحقق معادلة إن البرفيوم داخفيف و ثابت فى نفس الوقت بيقعد من 12-14 ساعة.و دا بيخليه إختيار حلو اوى لشهور الشتا.

Guerlain, Mon Guerlain ‘Intense’

البرفيوم دا من Guerlain مجمع روايح شرقية مبهجة مع زهور اللافندر والماندرين. فبيدي ريحة فاكهة رائعة متكملة بريحة خشبية مع فانيليا فممكن تسخدموها فى شهور الخريف لحد الشتا . بتثبت لحد 6 ساعات

Lancome, Idole

البرفيوم دا هو أكتر ريحة أنثوية ممكن تجيبيها لإن الورد هو البطل فيها مع إنفجار الياسمين والفانيليا والحمضيات والمسك الأبيض. البرفيوم دا إختيار حلو اوى لو مش بتحبى الروايح التقيلة لإنه برفيوم مشرق وخفيف ينفع للصبح أو الليل. بتثبت لأكتر 8 ساعات ، و دا بيخليه برفيوم ينفع لأى مناسبة.

حقوق الصورة: Pinterest

مشاركة تعليق