سواء كنتي بتحبي التغطية التقبلة أو الخفيفة أو المط أو اللاعمة، كريم الاساس هو أهم وأول جزء لميك اب حلو. مع وجود خيارات كتيرة متاجة في السوق، ممكن الموضوع يحير في انك تشتري كريم الأساس المثالي. وعشان نخلي المهمة دي سهلة عليكي، ديما فكرة كويسه أنك تعرفي الأول ايه اللي انتي عايزة من كريم أساس جيد. أول حاجة حددي نوع القوام اللي هيتماشي مع نوع بشرتك، كريم أساس سائل، بودرة أو على شكل عصا، ولو عايزة النتيجة تكون مط ولا ولامعة. كمان تحيد التغطية اللي محتجاها سواء خفيفة، متوسطة ولا تقيلة هيساعدك في تقليل خياراتك وتعرفي تنقي الكريم المناسب لكي. كريمات الأساس دي هي من المفضلة عندنا.

كريم أساس فيت مي مط اند بورليس من ميبلين

كريم أساس يدي نتيجة ممتازة وهيخلي الميك اب بتاعك مثالي. كريم اساس فيت مي خافي المسام هو الأنسب لميك اب شكله طبيعي، يغلغل في البشرة ويحقق لون انسيابي ويدي نتيجة مثالية للبشرة العادية إلى الدهنية. كريم الأساس ده هدفة إخفاء المسام وامتصاص الزيوت الزيادة لشكل بشرة غير لامع وصافي. ميبلين صممت العبوة بحيث انك ما تستخدميش كمية زيادة عن ما انتي متحاجة عشان يدوم معاكي المنتج لفترة طويلة.

كريم أساس إنفاليبل فريش وير السائل من لوريال

لو عايزة كريم أساس يدوم لفترة طويلة يبقى هو ده. كريم أساس ثابت ومقاوم للماء يعني هتسفادي منه بطرق مختلفة خبراء مكياج كتير بينصحوا عملائهم بكريم أساس السحري ده لأنه واحد من أكتر كريمات الأساس شهر في السوق سعره في متناول الأيد. مش بس بيدي تغطيه كاملة لكن كمان فيه 26 درجة لون. حاجة روعة! بيدي شكل حريري نضر ومتوهج عشان يظهر خدود وتضاريس الوجه.

كريم أساس ستيك فانيش سيمليس فينش من أوارجلاس

كريم أساس على شكل صباع (ستيك) ممكن يكون واحد من أفضل كريمات الأساس في السوق. بيوفر تغطية متوسطة مش هتحسي بيها على بشرتك مهما كانت الكمية اللي بتستخدميها. بيتحط بسلاسة على البشرة، سهل الاستعمال، ويخفي اي شوائب وعيوب ويملي المسام، ويخلي بشرتك متألقة وناعمة. كمان يدوم لفترة طويلة جداً ومقاوم للماء واللي يخليه خيار مثالي للاستعمال في حرارة وصيف مصر.

كريم أساس لومينس سيلك من جيورجو أرماني

لو مهوسة بالميك اب يبقى أكيد سمعتي عن كريم الأساس ده. كريم أساس كلاسيكي بقى له كتير في السوق لكن لسه من أفضل كريمات الأساس الموجودة. كريم أساس جيورجيو أرماني بيخلي البشرة شكلها جريري خالية من العيوب. ممتاز للبشرة المختلطة، بيدي تغطية متوسطة لكن تقدري توزدي منه كذا طبقة من غير ما تحسي به على بشرتك. يدوم لفترة طويلة وفي منه 30 درجة مختلفة. رغم انه سعره غالي شوية لكنه يستاهل انك تشتريه لو بتدوري على حاجة توفر لك بشرة ساحرة.

كريم أساس بودرة من بير مينارلس

أما بقى كريمات الأساس البودرة، المنتج ده يمكن يكون واحد من أفضل الأنواع المتوفرة. هيخلي بشرتك خيال، هيخفي اي شوائب من عير ما يبان على البشرة مهما كانت الكمية اللي استخدمتيها. على عكس ما هو شائع، إلا أن كريمات الأساس البودرة مش بتسد المسام لكن بتوفر تغطيه خفيفة تقدر بشرتك تتنفس من خلالها واللي يخلي كريم الأساس ده أختيار ممتاز لكل واحده مش بتحب المكياج الكتير والتقيل لكن عايزة بشرة صافية.

مصدر الصورة: Pinterest

مشاركة تعليق