أفضل 5 منتجات لتسمير البشرة

فصل الشتا يعني بطانية وشرابات فرو ودفى، لكن رغم ان الجو ده هو للدفى والراحة إلا إنه بيصعب علينا ندي لبشرتنا لون برونزي جذاب، بالإضافة ان بعد انتهاء موسم الاحتفالات وانخفاض درجات الحرارة اكيد لازم يوحشك الجو الدافي, والبحر، والشمس، وبشرة برونزية بتنور. سورس بيوتي بتقولك أنه لسه ممكن تدي بشرتك تألق وتتخلصي من البشرة الباهتة اللي عادة بيكون سببها جو الشتا وقلة الشمس، احنا جمعنا لك لوشن وكريمات تسمير البشرة المفضلة عندنا والمثالية عشان تعملي لوك برونزي لطيف وناعم.

St. Tropez, Self Tan Purity Bronzing Water Mousse

من أكتر برندات التجميل المطلوبة والمباعة في السوق. براند عنده مجموعة منتجات متعددة للوجه والجسم هتديكي لون برونزي مناسب لدرجة لون بشرتك. المنتج ده بيدهن بسهولة وبيجف بسرعة جداً عشان تقدري تلبسي هدومك وتجهزي بسرعة. اللون بيتطور ويتحسن مع الوقت بعد تدليكه وهيدي بشرتك تألق طبيعي.

Tan-Luxe, The Gradual

لو انتي من البنات اللي بتحب البساطة، يبقى المنتج ده ليكي، بدلي لوشن الجسم الاعتيادي بتاعك واستعملي المنتج ده كل يومين عشان تحصلي على لون بشرة دافي، جذاب، وناعم.

Coola, Organic Sunless Tan Dry Oil Mist

لو مش عايزة منتج يغير لون بشرتك بشكل دائم، إذا الزيت الجاف سهل الاستعمال ده هو الاختيار الأنسب. تركيبة تستمر لثلاثة أيام، ممتاز للاستعمال في المناسبات المهمة أو الحفلات لما تكوني حابة تدي بشرتك حياة وتغير. كمان بيحتوي على زيت الأركان، وفيتامين C والكركاديه عشان يكون مغذي جداً على بشرتك.

Isle of Paradise, Glow Clear Self Tanning Mousse

مسمر البشرة النباتي مركب من الماء، هيرحع الحياة لبشرة جسمك. مصنوع من تكنولوجيا تصحيح الألوان، هيزيل درجات اللون الحمرا، والبرتقالي والصفرا وهيديكي تألق مناسب لدرجة لون بشرتك

Banana Boat, Self Tanning Sunless Lotion

لو هنتكلم عن براند موجود في السوق بيفهم يعني ايه فصل الصيف وايه المطلوب عشان تعملي تان، يبقى نتكلم عن Banana Boat. مسمر البشرة للستعمال المنزلي المشهور ده بيجي منه درجات مختلفة من فاتحة جداً أو غامق جداً. عشان كده لو انتي بتدوري على مسمر بشرة يديكي لون ناعم او لون غامق، هتلاقي ده وهتحصلي على بشرة خالية من الشوائب، مثالية وكمان رطبة.

حقوق الصورة :Pinterest

مشاركة تعليق