أفضل 5 منتجات للتحكم في الشعر الهايش

مفيش حاجة بتبوظ شكل الشعر زي الشعر الهايش، لدرجة انه ممكن يحول الشعر الحريري واللامع ويخلي شكله كأنك خارجة من معركة! عشان تحاربي الشعر الهايش ضروري نفهم ايه مسبباته. وعادتاً السبب هو عدم الرطوبة. بمعنى أن لما بيكون في رطوبة زيادة في الجو، الرطوبة دي بتكون عايزة تنتقل لبيئة فيها ترطيب وفي الحالة دي مثلاَ: شعرك. عشان كده المنتجات اللي بتضيف ترطيب لشعرك مثالية لمحاربة التطاير. أعرفي في المقالة دي أفضل المنتجات المحربة للشعر الهايش.

سيروم زيت الحية لمحاربة الشعر المتطاير – دابر

التركيبة الفريدة من نوعها دي تتغلغل داخل الشعر بسرعة وتتخلص من الشعر المتطاير فوراً وتنعمه. السيروم ده بيدهن على الشعر المبلل لتقليل الهياشان والخصلات المتطاير.

سيروم جو سوي باري المحارب لتطاير الشعر – براس (للشعر العادي والجاف)

حل سريع للشعر الهايش. سيروم تصفيف، وترطيب، وعلاج للشعر هيتحكم في التطاير مع كمية بسيطة جداً منه. التركيبة السريعة والسهلة مثالية للاستعمال بعد الشاور تضمن ان الخصلات الهايشة تفضل ملساء طول اليوم.

مرطب فرد الشعر بوتانيكال – فيتو

لو عايزة منتج تستخدميه لتصفيف شعرك وكمان يديكي شعر أملس، يبقى مرطب فرد الشعر ده هو الحل. المرطب ينشط بالحرارة ويساعدك في تحقيق سشوار مثالي وشعر حريري ويتخلص من الهياشان.

سيروم سليك اند شاين – هاف

سيروم يوفر لمعان للشعر ويحميه ويدي شعرك الترطيب اللي محتاجة. تركيبة مغذية تحافظ على شعرك حريري ولامع ويمنع التطاير تماماً.

كيس مخدة حرير – سليك

النوم على كيس مخدة مصنوع من قماش الحرير أثبت قدرته على منع الشعر الهايش والمتطاير. أكياس سليك المصنوع من الحرير الطبيعي 100% متوفرين منهم 6 ألوان مختلفة عشان تضيف أحساس بالفخامة لسريرك.

 

مصدر الصورة: Pinterest

مشاركة تعليق