البشرة الجافة ممكن تسبب إزعاج وفي بعض الأحيان ألم للي بعاني منها في الحالات القسوة وساتعها لازم تستشيري دكتور/ة جلدية. من عوامل جفاف البشرة هي التعرض لدرجات حرارة عالية أو منخفضة أو غسل البشرة بمية سخنة، أو استعمال صابون فيه كيماويات كتيرة بتسبب جفاف للبشرة. في المقالة دي هنتكلم عن منتجات هتساعدك في العناية ببشرتك الجافة.

مجموعة المنظف البلسمي (للبشرة العادية إلى الجافة) من فيميل كو

جزء مهم من العناية بالبشرة هي انك تشيلي الميك اب كل يوم قبل ما تنامي. لو سبتي الميك اب على بشرتك لحد تاني يوم هتتكون الجراثيم على رموشك من المساكارا وهتفضل مسامات وشك مسدودة واللي هيضر بها. لو بشرتك جافة استخدمي مزيل  مناسب للبشرة الجافة ويفضل مزيل كريمي أو بلسمي عشان يدي بشرتك ترطيب في نفسك الوقت.

غسول الوجه بيفتامين C من ناتافيس

ضروري دايماً تحافظي على نضافة بشرة وشك عشان تتخلصي من تراكمات الأتربة والأوساخ والتعرق. لو  اهمتلي الجزء ده هتلاحظي ظهور حبوب وبثور في بشرتك. ده غير ان نضافة البشرة بتدي شكل ميك اب أحلى. استخدمي غسول غسول بفيتامين سي من ناتافيس. فيتامين C بيدخل في منتجات كتيرة مخصصة للبشرة الجافة، والغسول ده هيساعد في تنضيف بشرتك من غير ما يسبب لها أي جفاف.

سي مي تون (للبشرة الناضجة إلى الجافة) من تيل لمستحضرات التجميل

تالت خطوة في العناية بالبشرة لكن مش ضرورية انك تطبقيها بشكل يومي هو استعمال تونر منقي على بشرتك. عشان لو لسه في اوساخ الغسول ما قدرش يوصلها التونر هيتخلص منها وكمان ينقي أي حبوب على وشك ويمنع زيادتها.

مرطب الوجه بالهلام الملكي من ناتروفا

عمرك جربتي مرطب يحتوي على غذاء ملكات النحل؟ المرطب ده فيها مجموعة مكونات مفيدة جداً للبشرة منها الغذاء الملكي اللي يقدر يساعد في علاج الجروح والحفاظ عليها نضيفة وكمان في خصائص مضادة للألتهابات والبكتيريا. بالإضافة لمكونات الألوفيرا، وفيتامين E، وماء الوردس

سيروم فيتامين C من ناتافيس

لو محتاجة مرطب أوقى شوية من الكريم العادي استخدمي سيروم لوحده أو فوق المرطب بتاعك لترطيب وتغذية أقوي ويفضل قبل النوم. ناتافيس عملت سيروم بفيتامين C  اللي يحتوي على النياسيناميد ، ويساعد في علاج البشرة ضد العوامل الضارة ويحفز إفراز الكولاجين. بالإضافة لده السيروم فيه نسبة حمض هيالورونيك المرطبة واللي يقدر يقلل الخطوط الرفيعة والتجاعيد. سيروم فوايدة متعددة ومعالجة لمشاكل البشرة. لازم تجربيه.

 

مصدر الصورة: Pinterest

مشاركة تعليق