إجازة العيد يعني البحر والشاطئ ونطلع من زحمة القاهرة ونشوف مكان هادي بعيد نسترخي فيه ونريح أعصابنا وبالمرة ناخد شوية تان يعملنا (نيو لوك). مع كل سفرية جديدة كل واحدة فينا بتحتاج معاها منتجات أساسية للعناية بالبشرة والشعر عشان تحمي بشرتها وتمنع جفاف شعرها وتطايره من عوامل الحر والشمس أو المياه. في المقاالة جمعنا لك ضروريات السفر في فصل الصيف والعيد.

واقي من الشمس بعامل حماية 50% – كولاجرا

حماية البشرة من أشعة الشمس وأضرار الأشعة فوق البنفسجية والحمراء مش بس جزء تجميلي لكنه ضرورة لصحة البشرة ومنع إحتمالية حدوث سرطان الجلد وكمان ظهور النمش وحروق الشمس. واقي شمس كولاجرا هيعمل طبقة تانية على بشرتك وهيمتص ويجف بسرعة من غير ما يسبب أي لزوجة أو ملمس دهني أو لون أبيض. ده بالإضافة لأنه مرطب للبشرة وفيه فيتامين هـ المغذي ومضادات الأكسدة. يدهن على البشرة قبل التعرض لأشعة الشمس بـ 15 ددقيقة.

زيت صن تان – لونا

لونا عملت (نيو لوك) مختلف تماماً لمنتجاتها اللي زود جمال فوق جمال جودة منتجاتها. بعيداً عن مرطب شفايف لونا المعروف واللي تقريباُ مفيش بنت ماجربتهوش أحنا هنتكلم عن زيت تسمير البشرة (صن تان) اللي بيحتوي على عامل حماية من الشمس بنسبة 15% يعني تقدري تاخدي تان وانتِ مطمئنة. الزيت غني بخلاصة الجزر اللي يعتبر مسمر طبيعي للبشرة ومكونات تانية هتضيف لون ذهبي لبشرتك وجاذبية. أضمني بشرة جميلة بعد إجازة الصيف مع زيت (صن تان).

جل الألوفيرا – امتنان

مين مايعرفش جل الألوفيرا وفوائدة للبشرة وتعدد استخدماته (في ناس دلوقتي بتاكله. أه والله زي ما بنقولك كده!) خلاصة أوراق نبات الصبار مفيدة جداً في ترطيب البشرة وتقليل الحكة والإلتهاب. لو حسيتي بأي شعور بعدم الراحة في بشرتك بعد يوم طويل تحت الشمس وعلى الشاطىئ أو في حروق جلدية ناتجة عن أشعة الشمس ادهني كمية وفيرة من جل الألوفيرا على المنطقة المصابة وسبيه يجف تماماً قبل ما تلبسي هدومك. جل الألوفيرا من امتنان طبيعي 100% والكمية هتدوم معاكي لفترة طويلة.

لوشن ما بعد التعرض لأشعة الشمس – لونا 

جسيتي ان جل الألوفيار مش كفاية ومحتاجة منتج يديكي احساس بالبرودة؟ استخدمي لوشن لونا المغذي والملطف والمرطب. عادتاً البشرة بتجف بزيادة بعد قضاء فترة طويلة في المياه أو الجلوس تحت أشعة الشمس وفي الحالة دي استخدام لوشن مرطب هيفيدها ويهدئ البشرة ويتخلص من الجفاف. 

ميست مرطب للوجه – تريس 

طبعاً أحنا مش هننسى بشرة الوجه لأنه أكتر جزء باين وبيظهر عليه الجفاف والتعب والضرر. وانتي على البشاطئ أو بعد الرجوع للفندق أو البيت رشي ميست الورد من تريس على بشرة الوجه عشان تمديه بالترطيب وتهدئي من الأحمرار أو أي حساسية. ماء الورد ملطف جداً ومرطب للبشرة. كمان تقدري ترشي الميست على منطقة الأكتاف أو الصدر. يعني استغلي كويس منتجات العناية بالبشرة بتاعتك! 

سيروم ضد تطاير الشعر (للشعر الجاف والعادي) – براس 

أحنا مش عايزين نوصل لمرحلة أن شعرنا يبقى شبه شعر (مونيك) في مسلسل (فريندز) وهي في إجازة بسبب الرطوبة والحر. استخدمي كمية بسطية من سيروم براس ضد تطاير الشعر ووزيعة بالتساوي عشان تحافظي علي ترطيبه ولمعانه وصحته. متوفر للشعر الدهني.

مصدر الصورة: Pinterest

مشاركة تعليق