أهمية استعمال تونر البشرة

عمرك سمعتي حد بيتكلم عن تونر البشرة. وعجبك الكلام لكن انتي نفسك مش عارفه ايه هو؟ واحنا كمان! اعرفي انك مش لوحدك. رغم اننا بنتكلم عن التونرات كتير، عارفة ليه هي مشهور أوي ومفيدة جداً لبشرتنا. ايه هو التونر وإزاي نستخدمه في روتين العناية ببشرتنا؟ عملنا بحث ودورنا وعايزين نشاركك بمعلومات مفيدة! (زي بنعمل كل مرة)

تم صناعة التونر عشان ينضف بشرتك من غير ما يزيل طبقة الترطيب الطبيعية منها. التونر بيزيل الأوساخ الزيادة اللي الغسول الوجه مش بيقدر يتخلص منها، ويحافظ على بشرتك رطبة والمسام مشدودة، واللي خلى المنتج ده مهم لمقاومة شيخوخة البشرة. يعني لو بشرتك حساسة، تقدري بردو تستعملي التونر لأنه مش هيسبب جفاف أو تهيج. وكمان بتجهز بشرتك للمرطب أو السيروم بعد تنضيف البشرة، ويوازن مستويات البي اتش ويسمح لبشرتك انها تمتص كل الترطيب والتغذية الضرورية.

بعد ما تغسلي بشرتك، منتجات العناية بتاعتك لازم ديماً تتحط من المنتج اللي قوامه أتقل للأخف، ما عدى واقي الشمس يكون أخر حاجة تحطيها على بشرتك. التونر جزء أساسي في أي روتين عناية بالبشرة وقوامه الشبيه بالميه يعني انه بيستخدم بعد غسل وتنضيف الوجه، قبل المرطب أو أي منتج بشرة علاجي زي السيروم أو الزيوت. يلا كرري الجملة دي معانا… تنضيف, تونر, مرطب.

دلوقتي وبعد ما عرفتي منتج البشرة الجميل ده، هنقدم لك كام تونر للبشرة من أختيارنا.

جلوينج فيشال تونر – سنسيرا أروماثيرابي

تونر الوجه من سنسيرا هيدي بشرتك توهج طبيعي ويمدها بالترطيب ويصغر حجم المسام. تونر غني بريحة الورد مش هيدلل حواسك بس لكن كمان هيديكي احساس حلو.

تونر للوجه – ناتافيس

تونر بماء مقطر طبيعي 100%، مضاف إليه خلاصة الزهرة الدمشقية. تونر طبيعي أساسي للعناية بالبشرة. التونر هيهدئ البشرة، ويوازن مستويات البي اتش (مستوى الأحماض) ويخلي شكل بشرتك منتعش.

تونر الوجه بماء الورد والويتش هازل – جو ناتشورال

الويتش هازل من المكونات اللي غني بها المنتج ده، واللي بيساعد في تهدئة الالتهابات والأحمرار وتهيج الجلد. مزجة مع ماء الورد، خلى منه تونر ممتاز لتصفية بشرتك ويخليها متوهجة.

تونر الوجه المرطب بالخيار – هيفن

لو بشرتك حساسة من المنتجات اللي فيها عطور وبيظهر فيها حبوب بسهولة، تونر الوجه بالخيار ده هيكون مناسب جداً لبشرتك. خصائص زيت الحيار المرطبة ممزوج مع مجموعة من الزيوت العطرية والويتش هازل هيكون منعش ومهدئ جداً للبشرة.

فورايفر يونج – أريج أروماثيرابي

الأسم بيفكرنا بواحده من الأغاني المفضلة عندنا. التونر ده غني بزيوت عطرية زيت زيت لبان الدكر المعروف بفعاليته على البشرة لدرجة انه اتسمى “ذهب البشرة الخالص” في مجال صناعة مستحضرات التجميل. من فوائدة المتعددة هي موازهة إفراز الدهون في البشرة ودعمها ويحسن من ملمسها، ومرونتها، وبيعمل طبقة حامية من البكتيريا والشوائب. خلي بشرتك شابة للأبد مع التونر ده.

مصدر الصورة :Pinterest

مشاركة تعليق