إزاي تأخري الدورة الشهرية قبل يوم فرحك

الأفراح من المناسبات المبهجة جداً. أنتِ بترقصي مع صاحبك، وعيلتك وزوجك ومش فارق معاكي حاجة في الدنيا. للأسف ممكن يصادف معاد فرحك مع معاد الدورة الشهرية وده ممكن يعني أنك هتكوني في فترة حيض في يوم العمر. من أعراض الدورة الشهرية هو ألم وحساسية الثدي، الإنتفاخ، وألم المعدة اللي بتيجي مع الدورة الشهرية وفي أغلب الوقت بتكوني مضطرة ترضي بالواقع وتستني أنها تاخد فترتها وتعدي. رغم كده كلنا بنتمنى لو في حاجة تخلي الدورة الشهرية تتأجل في اليوم المميز ده وفي شهر العسل. أحنا دائماً بننصح بإستشارة دكتور نساء لكن حبينانشاركك طرق طبيعية أحتمال تساعد في تأجيل دورتك الشهرية عشان يوم الفرح.

في حين أن قد يكون مفيش دراسات علمية تدعم إستعمال علاجات طبيعية لتأجيل دورتك الشهرية، الحلول اللي في المقالة دي ممكن تكون تستحق تجربتها لتجنب أخد الأدوية.

عصير الليمون وخل التفاح

شرب عصير الليمون قبل معاد الدورة الشهرية ممكن يخفف من ألم الحيض، ويخفف من غزارة الدم  وحتى يأجل نزوله بشكل عام. خل التفاح كمان بيساعد في تأخير نزول دم الحيض لو أتشرب قبل معادها بـ 10 أيام

الجيلاتين

رغم غرابة المعلومة دي إلا أن إذابة الجيلاتين في ماء داقي وشربه يقال أنه يساعد في تأجيل نزول دم الحيض حتى 4 أيام.

التمارين الرياضية

عمل تغيير في أسلوب الحياة كمان ممكن يساعد وعمل تمارين رياضية وإستثمار وقت في تحقيق لياقة بدنية هيخلي الجسم صحي أكتر ويأجل من نزول الدورة الشهرية لكام يوم إضافيين. ننصحك بالتماري بشدة لو عايزة تنزلي من وزنك قبل الفرح.

إخلاء مسؤولية: دائماً استشيري دكتور أو خبير تغذية قبل محاولة تأجيل الدورة الشهرية.

مصدر الصورة: Pinterest

مشاركة تعليق