اتخلصى من انتفاخات تحت العين فى ٥ خطوات بس!

نومك متقطع و كمان ده ميعاد دورتك الشهرية، و مش عارفة تتخلصى من الانتفاخات المزعجة, صح؟ سهل اننا نخفى  الهالات السوداء ، لكن  الانتفاخات للأسف من الصعب التخلص منها أو بمعنى أصح, صعب أخفائها. و بغض النظر عن اهتمامك بالنظام الغذائي الصحي أو أسلوب حياتك اليومية، إلا إن التغييرات اللي بتطرأ علىنا للأسف بتأثر بشكل مباشر على  الوجه و بالأخص منطقة تحت العين، خاصة مع تقدمنا في العمر. إليكى أكثر ٥ طرق بنوصي بها لتقليل الانتفاخ تحت العين.

 

١. استخدمى كمدات مثلجة / باردة

 هيساعدك تطبيق الكمادات الباردة على المنطقة السفلية من العين على  تهدئة وتضييق الأوعية و الشعيرات الدموية تحت العين  وبالتالي هيقلل أي التهاب داخل المنطقة. جربي   كرات الثلج لتدليك الوجه  من كريستال ميوز، مش هتحتاجى غير وضعها في الثلاجة وكل يوم الصبح استخدميها و هتلاحظى تقليل الانتفاخات ، ضعيها على منطقة  تحت العين  لبضع دقائق  لتهدئة الانتفاخات.

 

٢. استخدمى كريم بيحتوى على الكافيين

زى ما مينفعش تبتدى يومك من غير قهوتك الصبح، الكافيين كمان مكون خارق و مهم جدا  في منتجات العناية بالبشرة و خاصة لمنطقة تحت العين. كريمات العين اللي بتحتوي على مادة الكافيين مفيدة لأنها بتعمل بشكل فعال  لتقليل الالتهاب وتخفيف احتباس الماء اللي بيلعب دور كبير في وجود انتفاخات تحت العين. جربي أدفانسد كونتور مع كونسيلر العين  من كولاجرا.

 

٣. استخدمى  ماسكات مخصصة لمنطقة تحت العين

 أنك  تحافظى  على رطوبة الجسم شئ مهم جدا و بيساهم بشكل كبير في تقليل الالتهاب  و انتفاخات بشكل عام في الجسم. استخدمى قناع  للعين كل أسبوع لتعزيز ترطيب منطقة العين. بالنسبة للعيون الباهتة والمتعبة بشكل خاص ، بننصحك تجربي  ماسك العين هيدرا بومب  من غارنييه هيترك منطقة عينك تبدو أكثر إشراقًا وانتعاشًا وأكثر يقظة.

 

٤. احصلى على قسط كافى من النوم

انك تنامى كويس أثناء الليل أمر ضروري للسيطرة على الانتفاخات.  جربي تنامى بدرى ولمدة متواصلة مش أقل من ٨ ساعات, فمجرد النوم جيدًا هيؤدي لنتائج مذهلة للتخلص من الانتفاخات. حاولى ترفعى رأسك وانتى نايمة، و استخدمى وسادة إضافية لرفع رأسك. جربي غطاء وسادة حرير من سليك واستمتعى بليلة هادئة وناعمة.

٥. اتحركى كتيير

الدورة الدموية هي  أكثر المصادر الفعالة اللى بتساعد على اعطاء البشرة  توهج طبيعي. نشطى الدورة الدموية من خلال ممارسة القليل من التمارين أو الحركة , أو المشي في الصباح ، هيساعد جسمك فى عملية التصريف اللمفاوي ، واللي بيعمل على خروج الزوائد المائية و بالتالى تقليل  الانتفاخات الزائدة  داخل جسمك.

 

مشاركة تعليق