اختاري حمالة الصدر المناسبة لك

لبس حمالة صدر حجمها أو شكلها مش مناسب ممكن يبوظ أو يحلي شكل لبسك لأن لو مقاسها صغير هتلاقي ده واضحك جداً ودي مش حاجة لطيفة أبداً. ألام الظهر والخطوط الحمراء هي بعض الأعراض الجانبية اللي تسببها صدرية مقاسها صغير حتى لو كانت بتيجي على مقاسك مظبوط من كام شهر فاتوا. كمان التغيرات الكثيرة في نقصان وزيادة الوزن وكبر السن يؤثر على حجم وشكل صدرك. عشان كده من الضروري تاخدي قياسك كل ٦ شهور. أقرأي ارشادات سورس بيوتي عشان تلاقي حمالة صدر مناسبة لك.

استعيني بالمحترفين للحصول علي صدرية مناسبة

كتير مننا معندناش الصبر إننا نقيس مقاسات الصدرية بنفسنا. في الحالة دي بنقترح إنك تروحي لمحلك المفضل لبيع الصدريات وهما هناك هيلاقوا المناسب ليكي. مش بس القياس هيبقي أدق كمان هيقدروا يساعدوكي تلاقي الصدريات المناسبة لاحتياجاتك.

اتعلمي ازاي تقيسي لنفسك

منقدرش ننكر أن القدرة علي قياس لنفسنا هي مهارة مهمة و مفيدة أحياناً. هتنفع في أوقات لما تكوني مستعجلة أو عايزة تطلبي صدريات أونلاين أو كمان لما تكون فكرة أن حد غريب يقيسلك مخيفة كل اللي محتاجاه هي المازورة. تأكدي إنك بستخدمي ناحية ال”إنش” في كل خطوة.

  • الرباط

استخدمي صدرية من غير رباط تخين يعني مش بوش أب، و لفي المازورة من أسفل الصدر و لازم تكون موازية لرباط الصدرية.

  • الصدر

لفي المازورة حوالين أعلي منطقة في الصدر و تكون موازية لرباط الصدرية.

  • حجم الكب

إطرحي مقاس الرباط من مقاس أعلي منطقة في الصدر علشان تحصلي علي مقاس الكب. كل إنش بيساوي “واحد” في مقاس الكب.

بعد ما عرفتي مقاس الصدرية المناسب، لازم نقولك ازاي تعرفي إن الصدرية اللي بتجربيها مناسبة ليكي.

الصدريات

لو الصدريات فيها ثنيات يبقي حجمها كبير و مش مناسب لو صدرك مخنوق و فيه تجعيدات ناحية الإبط يبقي حجم الصدرية صغير بزيادة. الصدرية المناسبة هتغطي الثدي بالكامل من غير ما تخنقه.

الحملات

يجب أن ترفع الأشرطة صدرك. مش لازم تكون الحملات غارزة في الكتف ولا تكون مشدودة جدا. كمان اتاكدي إن الكب مش واقعة بزيادة. تأكدي كل يوم من الحملات إنها في الوضع الصحيح.

رباط الصدرية

لازم طبعاً الرباط يبقي آمن لكن مش لازم يبقي ضيق بزيادة. جربي تحطي صباعين من تحت الكلبس اللي في الضهر. لو فيه مكان لأكتر من صباعين يبقي بنسبة كبيرة الرباط هيترفع و طبعاً التدعيم هيقل. كمان إتأكدي إن الرباط في موضع أفقي علي الضهر.

أماكن ممكن تقيسي فيها حجم الصدرية المناسب ليكي

Victoria’s secret ( كايرو فيستيڨال سيتي، سيتي ستارز )

Oysho ( كايرو فيستيڨال سيتي، مول العرب، مول مصر )

Etam ( كايرو فيستيڨال سيتي، مول مصر)

La Vie En Rose ( سيتي ستارز، كايرو فيستيڨال سيتي، الشيخ زايد )

مشاركة تعليق