ازاي تحصلي على إشراقة ذهبية !

ايه هو هدفك من الحصول على بشرة ذهبية ؟ هل هو وعد ببشرة ذهبية أكثر صحة ؟ أو أنك عارفة أن التان هيخلي شكلك رائع في البيكيني ؟ مهما كانت أهدافك، فإن السمرة أو التان هي جزء من الصيف مينفعش ننساه

 

أكيد جربتي قبل كده أنك تقولي لأصحابك: “مش قادرة أستني أني أحصل علي تان و بشرة ذهبية – شكلي هيبقي أحلي بكتير!”. لكن ، في نهاية الصيف ، تقولي: “مش مصدقة ازاي التان اختفي بسرعة كده !” ، “تعبت جدا” من السمرة الوهمية، و الچيل، والكريمات، والسمرة التدريجية ، واللون سريع الاختفاء ، فيه أسباب كتير تخلينا نحب الاستحمام الشمسي. لأنه بيعزز مستويات السيروتونين، وينتج ڨيتامين (د). بنقدملك ٧ نصايح للحصول علي سمرة أفضل بأمان

١- لا تستخدمي أجهزة تسمير البشرة
متصدقيش أكذوبة أن أجهزة تسمير البشرة تعطيكي سمرة صحية بالعكس هي تصدر أشعة فوق بنفسجية ضارة و لا تصدر ڨيتامين د، و الأسوأ انها تزيد حدوث سرطان الجلد بنسبة ٧٠ بالمائة.

٢- خلّي الميك اب بتاعك خفيف
لو عايزة تحافظي علي الميك اب من التجعد والتكتل، لازم تخففيه. ياريت تكتفي بالمسكرة و ممكن لون خفيف للشفايف و الخدين. في الجو الحار الميك اب بيتحرك و يكتل، فالأحسن تخليه خفيف. جربيلون الشفاه و الخدين من كارولين بيوتي – ٦ أكتوبر

٣- اختاري واقي الشمس المناسب لنوع بشرتك
و كلمة “عالي”.UVA ماتعتمديش بس علي عامل الحماية اللي موجود علي العبوة، دوري علي كلمة “واسع المدي” أو لوجو ان كانت بشرتك فاتحة استخدمي عامل حماية ٣٠ أو ٥٠ لكن اذا كانت بشرتك داكنة، عامل حماية ٣٠ هيكون كافي. متنسيش تستخدميه كل ساعة أو ساعتين و ممكن عدد مرات أكتر كمان في حالة السباحة.

٤- احصلي علي السمرة في التوقيت المناسب من اليوم
تجنبي الشمس في أوقات الصباح، الأحسن دايماً هي أوقات ما بعد الساعة ٢ ظهراً. كمان جسمك ليه قدرة محدودة علي السمرة، لأنه بيصدر الميلانين بكمية محدودة في خلال ساعتين أو ثلاثة ساعات و ممكن أقل كمان اذا كانت بشرتك فاتحة. لوشن تسمير طبيعي و رخيص لازم تجربيه.. صن كيسد من بودي بلوم

٥- احصلي علي فترات راحة من الشمس
احصلي علي راحة من التعرض للشمس، دا علشان تقللي تأثير الأشعة فوق البنفسجية و للحماية من مخاطر ضربة الشمس و الحروق. ودا هيخلي سمرة بشرتك صحية و تدوم أكتر

٦- تناولي الأطعمة المفيدة للبشرة
فيه أنواع من الأكل تزيد عامل الحماية الطبيعي للبشرة زي مضادات الأكسدة الموجودة في الطماطم و أنواع تانية من الفاكهة و الخضروات البرتقالية و الحمراء، اللي بتعزز عامل الحماية لبشرتك بنسبة ٣٣ ٪ كمان الشاي الأخضر والشوكولاتة الغامقة اللي بتحمي من ضربة الشمس و الحروق. الكافيين كمان مهم للحماية من سرطان الجلد علشان كده ممكن تستمعي بكوباية اسبريسو قبل ما تروحي الشاطئ

٧- زيفي إشراقتك
لازم تعرفي دايماً أن منتجات السمرة المزيفة مفيهاش أي عامل حماية من الشمس، ولكن ممكن تساعدك في الحماية من الحرق عن طريق تخفيف تأثير اليوم الأول على الشاطئ أو حمام السباحة. فيه عدد قليل من منتجات السمرة المزيفة التي تمنحك توهجًا خفيفًا و سمرة متوسطة خلال ساعة أو ساعتين. لكن كبديل أحسن ، استخدمي كريم تسمير للبشرة يمنحك توهجًا خلال دقائق. احنا بنفضل زيت التسمير من أوربن داكس، يمنحك إشراقة برونزية صحية من غير ما تبان مزيفة. يظهر مفعوله خلال دقائق ، حتى تحصلي على سمرة صحية بدون مجهود.

 

حقوق الصورة: Pinterest

مشاركة تعليق