اشهر 4 اسباب لتساقط الشعر

من اكتر المشاكل الى بتضايق وبتزعج ناس كتير ان الشخص يبتدى يلاحظ تساقط الشعر فى فترة قصيرة ومفجأة و الى بتوصل لترك مساحات فى فروة الرأس خفيفة بدون شعر بالمقارنة ببقية المساحات التانية. فى الحقيقة هناك عدة انوا واختلافات لانواع تساقط الشعر وبتختلف لعدة عوامل من شخص لأخر. وكالعادة عشان نقدر نعالج المشكلة من اصلها, لازم نعرف السبب الحقيقى و نوع المشكلة لحلها وكمان عشان نحدد العلاج الفعال الانسب وفقا للمشكلة الاساسية لان كل مشكلة وليها نوع تعامل بشكل مختلف. من خلال المقال ده هنقدملك اشهر 4 اسباب لتساقط الشعر و بعض الخطوات البسيطة للتعرف على سبب تساقط شعرك لعلاجها

أنواع تساقط الشعر

تساقط الشعر الكربي

النوع ده بيحصل لبعض الناس لما بيتعرضو لبعض الظروف الى بتأثر على الشعر زى نقص التغذية, او التعرض لمرض معين أو زي التعرض لشد عصبى شديد. وبيكون وقتها تساقط الشعر بشكل سريع ووقت اسرع من الطبيعى وبيكون عدد الشعر المتساقط اكتر من المعدل الطبيعى لسقوط الشعر المتعارف عليه يوم بكتير وهو من 50 ل 100 شعراية فى اليوم

تساقط الشعر الوراثى

بيتشكل النوع ده من التساقط فى صور مختلفة للصلع سواء عند الرجال او السيدات. النوع ده من تساقط الشعر عادتا بيحدث بالتدريج على فترات طويله (سنين) لانه وراثى بغض النظر عن ظروف ظهوره عند السيدات والرجال بأشكال وانماط مختلفة. و غالبا بيبدأ يتلاحظ فى العشرينات او الثلاثينات لو تساقط وراثى معتدل, وفى حالة انه تساقط وراثى شديد, ممكن يظهر فى عمر ال 18 للشخص. والنوع ده بيكون بسبب وجود هرمونات معينة بتطور مع البلوغ والمرحلة العمرية وبالتالى بيتم تساقط الشعر وفقا لحالة هرمونات كل شخص والعامل الوراثى

الثعلبة

عند وجود خلل فى الجهاز المناعى ولغبطة الهرمونات, بيحدث ظهور بؤر وحفر تساقط واضحة فى بعض من مسحات الشعر. وبيتم تساقط الشعرالكامل من منطقة معينة فى فروة الرأس لان وقتها بيحاول جهاز المناعة محاربة بصيلات الشعر وبالتالى بيتسبب فى ظهور الثعلبة فى بعض مساحات الشعر, وعند بعض الاشخاص بيسقط الشعر بالكامل للأسف فى فترة قصيرة جدا( ايام) عند التعرض لصدمة او لأزمة نفسية شديدة

تساقط شعر مقدمة الرأس(عند السيدات)

فى سن الاربعين او الخميس بتتعرض بعض السيدات لسقوط شعر مقدمة( الخط الامامى) لفروة الشعر, ويبدأ الشعر للرجوع للخلف, واحيانا بيكون مصاحب للنوع ده سقوط شعر من منطقة الحواجب ايضا. النوع ده من النساقط حتى الان لم يتمم تحديد السبب الئيس فى حدوثه , الا ان العامل الوراثى ولخبطة الهرمونات وانقطاع الدورة الشهرية للمرأة بيلعبو دور اساسي فى حدوثه

نصيحتنا ليكى

دايما بتكون اصح خطوة لعلاج اى مشكلة هى التوجه للطبيب المختص لتحديد العلاج الانسب لكل حالة. احنا فى سورس بيوتى دايما بنسعى لتوفير منتجات عديدة تناسب كل مشاكل سواء الشعر أو البشرة. بننصحك انك تستشيري طبيب الجلدية الموثوق به لو لاحظتى حدوث اى من الاسباب الى ذكرناها فيما سبق, لوصف العلاح ونوع المنتجات المخصصة لعلاج المشكلة الخاصة بشعرك. بنضمنلك تلاقى منتجات تناسبك عندنا على موقعنا, بس دايما ارجعى لطبيبك أولا, واحنا هنوفرلك كل الى تحتاجيه

مشاركة تعليق