افضل المنتجات التجميلية للسفر

من أصعب الأمور عند السفر هو الاختيار ما بين المنتجات اللي هتحتاجي تاخديها معاكي. مش بس اختيار المنتجات الاساسية لكن كمان المنتجات اللي ممكن تسافري بها واللي تتبع شروط السفر، لكن كالعادة، جمعنا لك مجموعة من المنتجات التجميلية المحلية والأجنبية اللي فريق سورس بيوتي ما يقدرش يسافر من غيرها.

منتجات محلية

واقي الشمس بنسبة 50% من كولاجرا (60 مل)

واقي الشمس من المنتجات الاساسية والمهمة للاستخدام اليومي على البشرة لحمايتها من الشمس، المنتج ده ممتاز لحماية البشرة، وترطيبها وممكن تسافري بالعلبة دي في أي رحلة سفر طويلة وهيساعد في منح بشرتك مظهر منعش.

سكارليت شاين لون الشفاه والخدود من دونا ناتشورالز (10 مل)

إذا كانت بشرتك باهتة سورس بيوتي ترشح لك لون الشفاة والخدود من دونا ناتشورالز. استخدامه على الوجه هيمنح بشرتك تألق وحجمه الصغير مثالي للسفر وهتقدري تاخديه معاكي في شنطة إيديك.

أمبر كيرز من جورميه (60 مل)

الحفاظ على بشرة رطبة أثناء السفر مهم جداً لأن ضغط الجو داخل الطيارة والمناخ الجديد اللي بتتعرض له بشرتك ممكن يؤدي إلى إجهادها. لذلك الحفاظ عليها رطبة هيساعد في محاربة العوامل البيئية دي. لوشن الجسم Amber Caress من جورميه بحجمه المثالي للسفر، هيرطب البشرة للغاية ورائحته هتفضل على بشرتك لوقت طويل لبشرة عطرة طول اليوم.

إصلاح تلف الشعر من سيسمي سبا (60 مل)

إذا كان شعرك تالف بسبب زيارة للشواطئ أو تعرضه للحرارة، إذا سورس بيوتي تنصحك بالزيت المعالج للشعر من سيسمي سبا. المنتج مركب من زيوت لوزية طبيعية 100% واللي هيساعد في إبقاء شعرك رطب وهيجدد أطراف الشعر التالفة بشكل كامل بعد عدة أيام من استخدامه.

حقيبة مكياج من ماليكا

بعد ما قررتي ايه هي المنتجات اللي هتخديها معاكي وانتِ مسافرة، هتحتاجي شنطة تحطي فيها كل حاجة هتسخدميها، شنطة المكياج من ماليكا بها أحجام مختلفة وأشكال متعددة، مصنوعة من قماش سميك، فيها مساحة لحمل منتجات كثيرة وكمان سهلة التنظيف. ومثالية لأصحطابها في للسفر

منتجات أجنبية

سنسيبيو إت تو أوه مياه ميسيلار من بيوديرما (100 مل)

لو بتدوري على منتج يزيل الأتربة أو المكياج يبقى المنتج ده من بيوديرما هو الأنسب. حطي شوبة منه على قطعة قطن وامسحي به وجهك للحصول على بشرة نظيفة بشكل كامل من دون أي أثار للماسكرا أو الروج، أيضاُ هو ممتاز لتنظيف الوجه لما تكوني على استعجال.

كريم أساس هالو هابي سوفت جلو من بينيفت (6 مل)

شركة بينيفت العالمية لمستحضرات التجميل مشهورة بإصدار أفضل المنتجات بأحجامها الصغيرة المثالية للسفر. وكريم الأساس ده بتغليفة اللطيفة والكيوت يمنح تغطية طبيعية للبشرة ومتألقة أيضاُ. يمنحك تغطية طبيعية للغاية مع إضافة وهج للبشرة. هو كريم اساس مثالي لو بدأ التعب يظهر على وجهك بعد رحلة سفر طويلة. تقدري تستخدمي شوية منه على البشرة هيمنحها مظهر ناعم وخالي من العيوب.

كلاي ماكس ماسكارا ميني من نارز (2.5 جرام)

لما بتحطي شوية ماسكارا على العين بتظهرها أوسع وأكثر بريقاً وتمنحك شكل عيون لامعة وصاحية. الماسكارا كلايماكس من نارز هي من المنتجات المفضلة عند سورس بيوتي بسبب لونها الأسود الغامق، حتى الحجم الصغير منها بيملي رموشك ويخليها خلابة.

هولوجرافيك ستيك ميني من ميلك ميك أب (7 جرام)

هايلايتر هولوجرافيك بدرجات الألوان الذهبي والخوخي البراق وله معجبين كتير، هو منتج ممتاز لو حابة تضيفي بريق لوجهك وبشرتك، مع الهايلايتر متعدد الاستعمالات من ميلك ميك أب ممكن تحطي لمسة بريق ولمعان على الخدود والعيون والشفايف. وعشان حجمة فهو كمان مثالي للسفر.

مجموعة عطور الشعر من بيريدو (30 مل)

ناس كتير مش عارفة المعلومة دي لكن من أحد الطرق الاقتصادية للتعطير هي بإستخدام العطور المخصصة للشعر لأنها بتقعد فترة أطول عن أي عطور أخرى وكمان هتخلي الشعر رائحة جميلة من دون إضافة أي منتجات زيادة. المجموعة دي من عطور الشعر تحتوي على 3 روائح مختلفة واللي يجعلها مثالية للسفر.

حقوق الصورة : Pinterest

مشاركة تعليق