استخدامات العسل وفوائدة التجميلية

اكيد لاحظتي وجود مكون العسل في منتجات التجميل. أغلبها في الشامبوهات، ولوشن الجسم، وماسكات الوجه. عارفه ليه؟ مش قصدنا العسل المباع في محلات البقالة، لكن العسل الخام الغير مبستر، واللي لازم يكون جزء من روتين العناية بالبشرة والشعر. سورس بيوتي لخصت لك استخداماته ومنتجات تحتوي عليه.

الماسك المنزلي

العسل الخام يقدر ينقي وينظف المسام ويدي رطوبة للبشرة الجافة. لو بتعاني من البشرة الجافة بسبب العوامل الجوية أو محتاجة جرعة زيادة من الترطيب. جربي ماسك العسل الخام. بللي بشرتك بكمية بسيطة من المياه وافردي العسل الخام بحركة دائرية. سيبي الماسك لمدة 30 دقيقة وأغسلي بشرتك بماء دافي.

علاج البقع

لو بتعاني من ظهور حب الشباب استخدمي العسل الخام بدل منتج تجاري للحبوب يجفف بشرتك. حطي عسل على حب الشباب لأنه يعتبر عامل مضاد للبكتيريا. لو عايزة تدي فعالية أكتر للماسك اخلطي العسل مع زيت شجرة الشاي واللافندر لإضافة تنقية وإزالة السموم من البشرة.

تقشير البشرة

ممكن تعملي تقشير لبشرتك مرة أو مرتين في الأسبوع مع سكراب الحليب والعسل من إيرث أولز المفضل عندنا.سكراب يزيل خلايا الجلد الميت من كامل جسمك. العسل مقشر لطيف، هيخلي بشرتك منتعشة، ناعمة، وهينظف المسامات وبالتالي هتلاحظي نضارة وتوهج.

نقع الجسم في حمام عسل

مع التغيرات المناخية بتنشط البشرة زيادة وبتحاول أنها توازن نفسها وتتحول لبشرة حساسة جداً وجافة. عمل حمام دافي بمكونات ملطفة للبشرة تقدر تساعدك أنك ترجعي جمال وصحة بشرتك لطبيعتها. ضيفي 2 كوب من العسل الخام في بانيو مليان مياه دافيه وانقعي جسمك في الميه. استخدمي غسول هوني بوني من إنديجو لترطيب أعمق للبشرة.

مصدر الصورة :Pinterest

مشاركة تعليق