اليكى 5 اسباب لتهذيب وقص أطراف شعرك بانتظام

فكرة قص الشعر من حين لأخر, ممكن تكون غير محببة لبعض السيدات, وبتكون خطوة صعبة على كتير مننا! زى معودناكم فى سورس بيوتى, بنقدملك من خلال المقال ده 5 أسباب هتخليكي دايما منتظمة على قص وتهذيب اطراف شعرك

تجربتي الشخصية مع قص اطراف الشعر , كانت صعبة عشان اقدر اقتنع بتقصير شعري حتى لو سنتى واحد بس! واستمرت المشكلة دى معايا لسنين, و كل مرة بحجز موعد عند صالون التجميل, بشعر انهم بس بيقومو بقص الشعر بدون هدف. مكنتش اعرف ان كل السنوات دى كنت غلطانة. مؤخرا عرفت قدايه مهم اننا من حين لأخر لازم نهتم بقص اطراف الشعر

السبب الاول

ان تهذيب وقص أطراف شعرك بانتظام بيساعد على نمو الشعر بشكل اسرع! فكرة مش جديدة بس حقيقية 100% ، فظهور الأطراف المكسورة والمتقصفة مش بيضر بس بمظهر شعرك وملمسه ، ولكنه كمان بيسبب ظهور شعر أقصر ونهايات مجهدة وضعيفة

السبب الثاني

كمان تساعد الأطراف المقصوصة حديثًا أيضًا على فك تشابك شعرك! اكيد بيكون صعب انك تحافظى على الشعر التالف و كمان بيكون التعامل معه صعب. انتظامك على قص الاطراف هتساعدك على تجنب كسر وتقصف الشعر الغير ضروريين من خلال العناية بتلك الأطراف المتقصفة قبل فوات الأوان

السبب الثالث

لو قررتي انك تمتنعى عن قص اطراف شعرك ، فأنتي في الواقع بتزودى هيشان شعرك, بشكل كبير

السبب الرابع

عشان نشجعك انك تقصى الاطراف هو انك هتلاحظى سماكة وتقل شعرك مع مرور الوقت

السبب الخامس والاخير

لو كنتى حاسة ان شعرك مش بيطول, او حتى بيطول بمعدل ضعيف, فده حلك الامثل والاول لتحسين نمو شعرك بشكل واضح

مشاركة تعليق