بتغيرى فرشة شعرك كل قد أيه؟

لسة أختك بتستخدم فرشة شعرها الي أشترتها من أيام المدرسة؟ أكيد أنتي كمان كنتي هتفضلى بتستخدمى فرشتك من وقتها لو مكانتش ضاعت! للأسف كلنا بنغلط الغلطة دى! تعرفى ان فرشة الشعر بعد استخدامها لفترات طويلة بتكون أرض خصبة لتكوين البكتريا, وتكوين قشرة الشعر؟ و بمجرد أستخدامك للفرشة كل مرة بتزودى المشكلة لشعرك وبتجدديها! أكيد عادة سيئة جدا, و بتسبب التهيج والحكة لفروة شعرك, كمان بتسد مسام الشعراية, وبتكون بثور فى فروة الرأس. بنقدملك بعض النصائح من خلال المقال ده عشان تعرفى أمتى لازم تتخلصى من فرشتك القديمة , وأمتي تستبدليها بأخري

ليه لازم تغيرى فرشة شعرك؟

بتحتوي فرشة شعرك على البكتيريا والغبار الي بيتراكم بشكل يومي. مع الوقت بتتزايد البكتيريا والغبار بالفرشة و بيكون من المستحيل إزالته. ولو كنتي بتعانى من القشرة, ونجحتى فى علاجها والتخلص منها بالفعل, فانتى للأسف كل مرة بتستخدمى نفس الفرشة القديمة, بتزودى الفرصة لعودة القشرة مرة تانية!كمان منتجات العناية بالشعر,الي بتستخدميها بتتراكم, وبتكون ضارة بالشعر. كمان أكيد فرشتك وقعت منها سنون كثيرة, و عشان كدة مش بتمشط شعرك بفعالية, ويمكن تخليكى تلجئى لمكوة الشعر وتعريض شعرك للحرارة, و تقصف الشعر.

علامات لتغيرك فرشة الشعر

لو بدائتى تلاحظى بعد من العلامات دي على فرشة شعرك , يبقى ده الوقت أنك تتخلصى منها وتستبدليها بغيرها جديدة. واحدة من العلامات الأكثر وضوح هى فقد بعض من سنون الفرشة ، أو لو متسخة لدرجة انك مش عارفة تنظفيها . علامة تانية: لو لاحظتى أن الوسادة الإسفنجية الى بتكون سنون الفرشة مثبتة عليها أو فيها, متتشققة ، فمن المحتمل أنها ضرر أكبر لشعرك أكثر من نفعها, زة تكسر وتقصف الشعر

فترات تغيير فرشة الشعر

يفضل استبدال فرشة شعرك كل ستة إلى 12 شهر ، خاصةًلو فرشتك بلاستيكية أو مطاطية. ومع ذلك ، فإن المدة الي بتستغرقها فرشة شعرك, بتعتمد على جودة الفرشة ، ونوع وملمس شعرك ، والعلاجات والمنتجات الي بتستخدميها و بتضعيها على شعرك ، لسوء الحظ ، مفيش قاعدة ثابتة بسبب العوامل المختلفة من شخص لأخر, و من مكان لأخر. اتأكدي من مراقبة العلامات المذكورة أعلاه أو ببساطة استبدليها سنويًا عشان تحافظى على شعرك, وتتجنبى بعض المشاكل

 لو بتفكرى تغيري فرشة شعرك, بنقدملك بعض الانواع الي بنرشحلك تجربيها من ماركات مختلفة على موقعنا

فرشاة ديفينشن من ذا هير أديكت

فرشة خشب لفك تشابك الشعر من سول أند مور

فرش تانجل تيزر

فرش دان مان

 

مشاركة تعليق