تجنب حب الشباب الناتئج عن إرتداء الماسك

مش بس احنا مضطرين نغطي وشنا بالماسك طول الوقت دلوقتي لكن كمان بدأنا نعاني من حب الشباب الناتج عن لبسه. مشكلة بشرة بقت لازم نواجهها ونعرف اسبابها. لبس الماسك طول اليوم خصوصآ في الحر يحبس جواه الرطوبة الناتجة عن التنفس، والدهون اللي بتفرزها بشرتنا، والأوساخ والميك اب. العوامل دي بتؤدي لظهور بكتيريا وبالتالي بتظهر حب الشباب والبقع. لو لبس الماسك بيؤذي يشرتك وعايزة تلاقي حل للمشكلة دي اعرفي ايه هي نصايحنا في المقالة دي. لو مضطرة تكوني برة البيت فترات كتيرة ومحتاجة تلبسي ماسك كل يوم، حاولي تلبسي ماسك جديد كل يوم. إلا لو عندك إستعداد انك تغسلي الماسك بتاعك كل يوم، لبس ماسك جديد كل يوم هيمنع تراكم أي بكتيريا في الماسك بتاعك ويحافظ على بشرتك منتعشة.

تجنبي المكياج

دي نصيحة بديهية، ممكن يكون صعب على البنات انها تعلمها طول الوقت. لكن عشان بقى نص وشنا متغطي، منطقي اننا نحط ميك اب خفيف على الأماكن المتغطية بالماسك عشان نمنع إنسداد المسام وحبس الدهون الزيادة.

أختاري أقمشة طبيعية

لو تقدري، حاولي تستعملي ماسك مصنوع من قماش ومواد طبيعية. حاجة تكون مصنوعة من الحرير أو القطن عشان تسمحي بدخول وخروج الهوا وبشرتك تقدر تتنفس.

أغسلي وجهك مرتين

كلنا عارفين فوائد التنضيف المزدوج للبشرة ومع ضرورة لبس الماسك يبقى لازم ننضف ونغسل بشرتنا. التنضيف المزدوج هي عملية من خطوتين أولا بتغسلي وشك بالزيوت عشان تخرجي وتتخلصي الشوائب، والغسلة التانية بتكون بإستعمال غسول الوجه بتاعك لإزالة أي أوساخ متبقية وتسمحي للغسول بالإمتصاص جوه البشرة.

قشري بشرتك.

عادتاً ا ينصح بتقشير البشرة مرة في الأسبوع، لكن مع لبس الماسك قشري بشرتك أكتر من مرة في الأسبوع، خصوصاُ نص وشك التحتاني. استعملي قناع بالطمي في روتينك هيفيدك بشرتك جداً. مع التقشير الزيادة، استعملي مرطب عميق عشان تمنعي جفاف البشرة.

مصدر الصورة :Pinterest

مشاركة تعليق