جمالك يبدأ من الداخل

الجمال ينبع من الداخل! جملة شهيرة وحقيقية جداً. نفسيتك لو تعبانة، أو عندك توتر عصبي، أو محهدة من تعب الحياة اليومية أي كانت أسبابها، كله هيبان على شكلك وعينيك، وطاقتك، وحتى نبرة صوتك. العناية بالنفس جزء من السعادة اللي نقدر نصنعها لنفسنا، حاجات بسيطة نعلمها تدينا طاقة، وراحة، وهدوء، وكمان تفصلي شوية عن العالم اللي حواليكي. خدي نفس عميق، استرخي، وأقرئي في المقالة دي منتجات تساعدك على الشعور بالراحة والإسترخاء وتدللي نفسك بها.

غطاء وسادة من الحرير الطبيعي – سليك

نامي مرتاحة على مخدة مفيش أنعم منها! قمة الدلال والعناية بالشعر مع كيس مخدة حريري نقي من سليك. المنتج ده مش بس هيوفر لك نوم أفضل وشعر صحي لكن كمان هيكون لمسة جمال وفخامة لغرفة نومك. على عكس قماش القطن، أكياس المخدة الحرير أو الساتان بتحافظ على صحة الشعر، وبتمنع تلف، وتقطع، وتسكر الخصيلات وأنتِ بتتحركي أثناء نومك. ده غير أن شعرك هيفضل لامع.

شاور جل بالافندر – اريج اروماثيرابي

الميه الدافية إلى الساخنة بترخي الجسم والشاور الدافي في الشتاء خصوصاُ بيغير المزاج أضعاف المرات في الصيف. خدي لنفسك شوية وقت واستمتعي بشاور أو اقعدي في  البانيو مع ميه دافيه واستعملي شاور جل تكون ريحته بتحبيها واستمتعي بالهدوء والخصوصية التامة. من أنواع الشاور جل الحلوه اوي وبيساعد على الاسترخاء هو شاور جل باللافندر من أريج اروماثيرابي. اريج بتستخدم أجود المكونات في مستحضراتها، يعني المنتج ده هيعتني ببشرتك وينظفها ويغذيها وريحته هتديكي احساس بالهدوء والراحة.

زيت مساج للإسترخاء – نون

تخلصي من ألم العضلات، والإرهاق والتعب الجسدي، وصفي ذهنك مع زيت مساج جسم عشبي من نون اللي هيخلي جسمك يفك ويحس بالراحة. زيت المساد مركب من مجموعة من الزيوت المعالجة واللي بتستخدم في الطب البديل زي زيت اللافندر، وزيت الروزماري، وزيت البابونج، وزيوت مرطبة زي اللوز الحلو، وزيت الجوجوبا، وفيتامين هـ المغذي. أعرفي إزاي تعملي جلسة مساج في البيت في المقال دي.

شمعة فريش لاينين وعنبر – كاندل كونيكشن

 اعملي لنفسك جو هادي في غرفة نوم أو بيتك أو حتى وقت الشاور بتاعك مع شمعة تضيف ريحة حلوه وتساعدك على تصفية ذهنك. ولعي شمعة (فريش لاينين وعنبر) مع جلسة المساج المنزلي لأي جزء بتحسي فيها بالألم أو مشدود، وضيفي للروتين ده 20 دقيقة من التأمل يومياً وهتشوفي فرق في تفكيرك وحالتك الذهنية. بنرشج لك تتفرجي على الفيديو ده عشان تعرفي إزاي تمارسي للتأمل

مجموعة بي ام اس – براس

ليه تعاني من ألم وتعب وعصبية الدورة الشهرية لما ممكن تعملي لنفسك روتين خاص يخفف كل الأعراض دي؟ براس عملت مجموعة (بي إم أس). المجموعة هدفها تقليل ألام التقلصات مع كريم قوي يعمل على تخفيف تقلصات عضلات الرحم، وكمان فيها ملح إستحمام ينقي البشرة من السموم تستخدميه في الشاور في الفترة دي من الشهر، وزيت تخفيف التوتر العصبي، وشمعة بريحة الفانيليا، وميست للمخدة لنوم عميق. استخدمي المنتجات دي قبل النوم أو أول ما تحسي بألم وإنزعاج من الدورة الشهرية. أفتكري ديماً أن تصفية ذهنك والعناية بنفسك هينعكس على كل حاجة في حياتك.

 

مصدر الصورة: Pinterest

مشاركة تعليق