حضري بشرتك لروتين العناية الخاص بيكي

لو بتتبعي ١٠ خطوات لروتين العناية ببشرتك أو حتى خطوة او بتستخدمى منتج واحد، زي سيروم، او زيت او مرطب، او حتى واقي شمس، اكيد هيفرق معاكي فى بشرتك! عشان كده لازم تعرفي كيفية استخدام كل منتج بالنسبة لقوامه (سميك/خفيف) وترتيبه لوضعه على بشرتك. اليكى بعض النصائح لمعرفة الخطوات الي هتساعدك توصلي لمظهر بشرة صحي

الخطوة الأولى: الغسول
دى هي الخطوة الأكثر أهمية ، مش هتحسي بنتيجة أى منتج من منتجات العناية بالبشرة الا لما تكون بشرتك نظيفة وخالىة من أى شوائب.عشان كده غسل وجهك في الصباح والليل ضروري جدا. الخطوة دى هتساعدك تتخلصى من  الأوساخ والزيوت والمكياج وأى شوائب متراكمة خلال النهار.
نصيحة:
لو بشرتك جافة: أستخدمي غسول (منظف زيتي) بيحتوى على السيراميد والجلسرين لتعزيز حاجز البشرة
لو بشرتك مختلطة أو دهنية : أستخدمى غسول يكون ملمسه زى الجل
لو بشرتك حساسة: أستخدمى غسول تركيبته ملطفة وخالية من العطر
بنرشحلك تجربي:
ميسيل آير سكين بسيلارريث ماء مي من نيفيا (للبشرة الجافة إلى الحساسة) بالتبادل كمان مع الضمادات مزيلة للمكياج من زوى اّمبر كوزماتيكس
الخطوة الثانية: التونر

من أهم الخطوات لتقليل المسام الواسعة وتنظيفها. لو عايزة فعلا بشرة صافية وصحية ، هتحتاجى تونر للوجه! استخدمى تونر لطيف ومهدئ لإزالة الزيت وآثار الأوساخ والمكياج. التونر مفيد و ضروري للأشخاص اللى بشرتهم دهنية أو المعرضة لحب الشباب ، أو للأشخاص اللى بيحتاجو تنظيف إضافي بعد وضع الماكياج. المهم تتأكدى من النوع المستخدم و المكان اللى هتشتريه منه , وكمان تأكدى من قراءة مكوناته.

بنرشحلك تجربي:

ماء الورد سيكريد روز من حتحور

الخطوة الثالثة: كريم العين

نظرًا لأن الجلد حول منطقة  العين أكثر حساسية من باقي الوجه ، فدايما بيحتاج لكريمات و أنواع خاصة للعناية بها. حاولى تختاري كريم عين بناءً على احتياجاتك. على سبيل المثال ، الكريمات اللي بتحتوي على مادة الكافيين بتقلل من ظهور الانتفاخات تحت العين.

بنرشحلك تجربي:

كريم ليلي للعناية بمحيط العين من ايفا

الخطوة الرابعة: سيروم العناية

أختيار السيرم المناسب لحل مشكلة بشرتك مهم جدا ، لأن تحديد مشكلة بشرتك و اختيار السيروم المناسب هتساعد في استهداف المشكلة وحلها زى البقع الداكنة أو البهتان أو حب الشباب. كمان استخدام بعذ انواع الأمصال او سيروم البشرة  بيختلف باختلاف أوقات اليوم. فمثلا الأمصال اللى بتستخدم بالنهار بتحتوى على مضادات الأكسدة ، وأكثرها شيوعًا هو مصل فيتامين سي (تأكدي من وضع واقي الشمس بعد استخدامه). بالنسبة للأمصال  اللى بتستخدم بالليل بتحتوي على الريتينول عشان بتساعد في إصلاح وتحفيز إنتاج الكولاجين ليلا.

بنرشحلك تجربي:

سيروم الريتنول كيراسيل سيكريت من ريا بيوتى

لا جونيس جولد سيروم من سينسيرا أروماثيرابي

 

الخطوة الخامسة: المرطب

خطوة مهمة جدا! تأكدى من الحصول على مرطب لبشرتك  خفيف الوزن للاستخدام الصباحى و أخر أكثر كثافة للاستخدام بالليل.

بنرشحلك تجربي:

كريم بفيتامين E من اسنشالز

الخطوة السادسة: واقى الشمس

الخطوة دى هتساعدك تأخرى ظهور علامات الشيخوخة و الوقاية من سرطان الجلد ، أعتبريها خطوة أساسية في الصباح. مش محتاجة  تطبيقه قبل النوم, فقط فى الصباح و عند التعرض لأشعة الشمس.

بنرشحلك تجربي:

واقي شمس بعامل حماية +50 من كولاجرا

 

مصدر الصورة: Pinterest

مشاركة تعليق