حكايات من سورس: علا رمضان – إسنشالز

موظفة بنك مرموقة تحولت لرائدة أعمال في مجال مستحضرات التجميل. علا رمضان قررت تستغل خبرتها للدخول في مجال صناعة مستحضرات التجميل مع إسنشالز، علامة تجارية للعناية بالبشرة ومنتجات التجميل واللي اسستها مع والدتها وأختها في 2019. مع خلفية في المستحضرات الصيدلانية ومستحضرات التجميل، هدفهم كان صنع منتجات عناية بالبشرة ومستحضرات تجميل طبيعية تخلي كل سيدة حاسة بالثقة بنفسها.

ليه بدأتي إسنشالز؟

أنا حاصلة على شهادة تسويق وحسابات وبدأت العمل في مجال البنوك وتمويل الشركات وبعدها بفترة قصيرة اشتغلت في المجال ده لمدة خمس سنين ونص. كنت بعمل شغلي بإمتياز وكان عندي حس إبداعي تناسب تماماً مع طبيعية الشغل. والدتي صيدلانية، وقررت تبدأ مشروعها الخاص واللي دفعني أن ابحث وادور. اتفرجت على علامات مستحضرات تجميل مختلفة وحبيت أوي علامة لوش. من ساعتها سجلت في كورسات وورش عمل علمتني إزاي أصنع لوشن طبيعي، وزبدة جمم، وزبدة مع شيمر ومن هنا بدأت إسنشالز. التغيير ده مشي بشكل طبيعي وسلس جداً ودهبفضل دراستي أنا ووالدتي.

ايه اللي الهمك أنك تبدأي المشروع بتاعك؟

لما بدأت كنت عارفة المشروع ده هياخدني لفين. كل اللي أنا عرفاه هو ان كان عندي طموح ان اخلي احلامي حقيقة. أنا من النوع اللي مش بيفكر بزيادة وبحاول امشي ورا احساسي واستغل طاقتي عشان انجز اللي ورايا.

أفضل نصيحة عملية؟

ما تمشيش على خطة واحدة، لأن هيكون في ديماً في تحولات وتغيرات. دوري كتيروبشكل دائم ومستمر عشان تعرفي كل جديد. واعرفي ان مفيش خطة واحدة محددة أو طريق تستمري عليه، هيكون في ديماً تغيرات لازم تعمليها عشان تحسني من مشروعك.

إزاي بتتخطي الفشل؟

بحاول مرة والتانية. الفشل هو جزء من النجاح. فكرت أعمل امتياز تجاري وفشلت وبعدين حاولت اشتغل في الزيوت الطبيعية وفشلت بردو. كل ده هو جزء من التجربة، أنا بس برجع أحاول كل مرة من جديد.

أسئلة سريعة:

  1. أفضل نصيحة سمعتيها: “خلي صدرك واسع.”
  2. السناك المفضل في الشغل” طول ما أنا بشتغل بنسى الأكل.
  3. لما بكون مجهدة ومتوترة: بعمل جلسة مساج.
  4. أسوء عادة بعملا في الشغل: بفضل أونلاين 24 ساعة وده بيستهلكني.
  5. بتحبي فترة النهار ولا الليل:بحب الليل.

مشاركة تعليق