حياة صحية: مع د/شادي لبيب

اتكملنا مع د/شادي لبيب اللي رد على كل أسئلتنا المتعلقة بالصحة ةالتغذية. د/شادي هو مؤسس Nutivate شركة تدرب على أسلوب التغئية أونلاين. د/لبيب حائز على جوائز وأخصائي تغذية مساعد مسجل في المملكة المتحدة وحاصل على شهادة الماجستير في علوم التغذية العلاجية والصحة العامة من كلية لندن الجامعية (UCL)، وشهادة ماجستير من بريسيجن نيوترشن كندا. د/لبيب هو واحد من أكتر الأصوات تقديراً في مجال الصحة، لأنه قدر يساعد أكتر من 1000 عميل في التسع سنوات اللي فاتوا في تحقيق لياقة بدنية ويعيشوا أسلوب حياة صحي. في المقالة دي د/لبيب بيشارك سورس بيوتي خبرته اللي لا تقدر بتمن عن كل ما هو يتعلق بخسارة الوزن لأكل فطار صحي.

1. ايه هم 3 أنواع من الأكل اللي لازم ندخلهم في نظامنا الغذائي؟

الخضروات (الفلفل الرومي (الحلو)، السبانخ، البروكلي)، الفاكهة (البرقوق، المشمش، الكرز، والتوت)، والبروتين (سمك)

2. ايه هو رأيك بخصوص منع الكربوهيدرات والسكر من الأكل اليومي  لتقليل الدهون؟

منع الكربوهيدرات من الأكل اليومي هي خرافة، لكن ضروري نختار مصادر كاملة من الكربوهيدرات وأكلهم بمقادير مناسبة وفي الأوقات المناسبة. أما بالنسبة للسكر، فا لازم نحد من السكريات المصنعة قدر الإمكان.

3. أيه رأيك في الصوم المتقطع على عكس أكل الوجبات الصغيرة على مدار اليوم؟

الموضوع يختلف من شخص للتاني. مفيش حاجة واحدة تمشي على الكل. بالنسبة لحديد عدد الوجبات في اليوم. أحسن طريقة نعرف بها ايه اللي يناسبنا هو أننا نشوف إذا حاسين بالراحة أثناء الصوم المتقطع أو العكس ومش مهوسين بالأكل. بالإضافة لده لازم نتحقق من تكوين جسمنا عشان نعرف تأثير الطريقتين على جسمنا.

4. هل صحيح لازم نوقف الأكل قبل ساعتين من النوم؟

بشكل عام، مش بينصح بالأكل  قبل النوم وده لأنه بيأثر على جودة نومنا. لكن ممكن ناكل وجبة خفيفة (سناك) لو حاسين بالجوع قوي.

5. زيت بذرة الكتان معروف بفوائدة الصحية. إزاي نقدر ندخله في نظامنا الغذائي؟

زيت بذرة الكتان فيه نسبة عالية من (حمض ألفا-اللينولينيك) أحماض أوميجا 3 الدهنية، وده يعني أنه مشبع بتأثير مضاد للإلتهابات على الجسم> ممكن نحطه على السلطات أو الأجبان. كمان بفضل عدم تسخينه لأنه بتروح منه الفايدة.

6. بالنسبة للسناكس الصحية. ايه هي الطرق اللي ممكن ناكل زبدة الفول السوداني الخالية من السكر؟

شخصياً. أنا بحب أضيف زبدة الفول السوداني على التفاح. حلوين أوي مع بعض. ممكن كمان نضيفها على الزبادي. زبدة الفول السوداني فيها مصدر عالي من البروتين والبوتاسيوم اللي بيساعد على تقليل مخاطر أمراض القلب واللي يخليها كمان مثالية للنباتيين واللي مش بيستهلكوا لحوم بشكل عام. كمان بتحتوي على نسبة أحماض دهنية أوميجا 9 اللي بتعزز طاقة الجسم، بالإضافة أن نسب الحديد والماغنسيوم هتحسن الحركة الدموية في الجسم

7. ايه هي أنواع الشوكولاته الصحية اللي ممكن تتاكل؟

أفضل أنواع الشوكولاتة هي اللي فيها نسبة 85% شوكولاته داكنه. لكن ممكن تكون مره شوية، في الحالة دي نقدر نغمسها في الفراولة أو الموز. البديل هو أننا ناكل أنواع فيها 70% شوكولاته لكن هيكون فيها نسبة سكر.

8. ايه هو أنسب وقت ناكل فيه كرات الطاقة أو البروتين بار؟

أفضل وقت لأكلهم هو وأحنا في حركة وبرة البيت. لو عارفه ان يومك هيكون طويل ومعندكيش وقت انك تاكلي وجبة صحية كاملة يبقى هيكونوا بديل ممتاز. بدل ما تاكلي أي سناكس مليان سكر ومش صحي تقدري تاخدي بروتين بار أو كرات الطاقة معاكي في الشنطة.

9. ليه دقيق الحمص أفضل من أنواع دقيق تانية؟

شرط يكون دقيق الحمص أفضل، دقيق القمح الكامل مغذي جداً لكن في بعض الأحيان بسبب مشكلة للي عندهم حساسة من الجلوتين. دقيق الحمص أجود منه لأنه يحتوي على نسبة بروتين أعلى.

10. هل كوباية من الشاي اليومية هتساعد في أنها تدينا جسم صحي اكتر؟ ايه هو أكتر أنواع الشاي المفضلة عندك؟

أيوه. الشاي الأخضر في نسبه عالية من (EGCG) وهو عبارة عن مضاد للأكسدة اللي يقدر يساعد الجسم في محاربة الخلايا المتضررة. لكن ينصح بعدم استهلاكه بشكل مفرط لأنه ممكن  يسبب اضطراب في المعدة ويسبب إمساك

 

د/شادي لبيب مؤسس Nutivate

Instagram @shadylabibnutrition

مشاركة تعليق