خطوات العناية بمنطة الإبط

جه الوقت اللي نتكلم فيه عن العناية والاهتمام بمنطقة الإبط خصوصاُ في فصل الصيف اللي بيؤدي لحدوث تعرق وروائح كريهة أكتر بسبب الحر. غالباً ما بنركز على أننا منطقة الإبط ما تعرقش، أو ما تكونش فيها حبوب بسبب إزالة أو بداية نمو الشعر وأن ريحتها تكون منعشة وبس. لكن بننسى أنها منطقة مش بتتعرض لهواء كفاية وعادة ما بتكون رطبة فا ده بيخليها عرضة للإلتهابات والتهيج. في المقالة دي هنتكلم عن روتين العناية بمنطة الإبط وأفضل المنتجات والوصفات لها.

  • إزالة الشعر بالموس

لو بتشيلي شعر الإبط بموس الحلاقة حافظي على الموس نظيف وبعيد عن المياه والبكتيريا ولازم يكون ديماً حاد. حطي الموس بره الحمام في مكان جاف ونظيف ويفضل ديماً إزالة شعر الإبط بالسويت  لأن الموس ممكن يسبب لون داكن في المنطقة دي بالتحديد وأكيد مفيش أجمل وحاجة تخلي الحياة أسهل من جلسات ليزر تكون نتيجتها تدوم لسنين.

  • التونر

بعد الاستحمام وغسل منطقة الإبط كويس بغسول استحمام بالزبادي والخيار من إيفا استخدمي تونرعلى بشرة الإبط بالظبط زي ما بتعملي في روتين العناية ببشرة الوجه. جففي منطقة الإبط الأول بفوطة وباستعمال قطعة قطن امسحي الإبط بتونر فيتامين سي من اورانج ديلي المركب من مكونات توازن مستويات الأحماض في البشرة وتنقي المسام وتفتح الجلد.

  • تبيض منطقة الإبط

لو بتعاني من منطقة إبط داكنة استعملي مستحضرات تفتح منطقة الإبط أو أعملي وصفات طبيعية مبيضة للبشرة. أفرمي كمية من البطاطس وأفرديها على منطقة الإبط وسبيها لمدة 15 إلى 20 دقيقة واشطفيها بالماء الدافي. أو استعملي قناع الطمي سكين توكس لتفتيح البشرة من أوسفالدوس المركب من مكونات طبيعية مبيضة ومرطبة للبشرة.

  • استعملي مزيل عرق طبيعي

يفضل استعمال مزيل العرق الطبيعي لأسباب كتيرة منها أحتوائه على مكونات مفيدة ومغذية للبشرة من زيوت عطرية ومكونات بتخلي ملمس بشرة الإبط ناعم ومخملي وريحته منعشة وشكلة جميل وكمان يمنعك من استعمال المواد الكيميائية الضارة الموجودة في مزيل العرق العادي اللي بتسد المسام وبتمنع البشرة من التعرق والتنفس. عادتاً مزيل العرق الطبيعي بياخد وقت عشان يدي مفعول وده لأن منطقة الإبط بتكون اتعودت على المواد الكيميائية، استمري في استعمال مزيل العرق الطبيعي لمدة أسبوع على الأقل وهتلاقي نتيجة مع تعود بشرتك عليه. أكتشفي مزيلات العرق الطبيعية المتوفرة على موقع سورس بيوتي من اللينك ده

 

مصدر الصورة: Pinterest

مشاركة تعليق