دليلك لتنظيم وترتيب البيت لفصل الربيع

قضاء وقت طويل في البيت خلى عندنا وعي وإدراك بالمكان اللي أحنا عايشين فيه، ومع مرور الوقت، بتبدأ مساحتنا وبيوتنا تتملي كراكيب، وتكون غير منظمة، وفوضوية وأحياناً بيكون أسهل أننا نخليها على حالها. لكن عمل تنظيف بسيط لفصل الربيع وتنظيم البيت ممكن يكون ممتع ويعمل تغيير. لكل شخص عايز يقلل من مقتنياته أو ببساطة يعيش بوعي أكتر لكل حاجة بيستخدمها، وحياته تكون أبسط، المقالة دي فيها نصائح هتساعد بشكل كبير فى تحقيق المعادلة الصعبة دى.

إحتفاظ، رمي، وتبرع.

في بعض المقتنيات المنزلية والشخصية بتكون سهل تراكمها. استخدمي على الأقل 3 سلات ووزعي في السلة الأولى الحاجات اللي هتحتفظي بها، وفي السلة التانية الحاجة اللي لازم ترميها، وفي سلة الأخيرة الحاجات اللي ممكن تتبرعي بها.  لما هتشوفي أن سلة الحاجات اللي هتحتفظي بها فيها مقتنيات أقل وسلة التبرع بتزيد ده هيحفزك أكتر

طبقي منهج ماري كوندو

ايه من مقتنياتك وهدومك بتديكي إحساس يالبهجة؟ منهج (ماري كوندو) هو دليل لإعادة تقييم مقتنياتك وتنظيم بيتك بطريقة مبنية على شعورك والحياة اللي نفسك تعيشيها. لو مجموعة المناكير بتاعتك بتديكي إحساس بالبهجة ومجموعة الماسكارا والاَي لاينر المختلفة اللي عندك مش بتعملك ده. انتي عارفه تتصرفي فيهم إزاي!

تخلصي من مقتنياتك بكل امتنان

من القواعد الأساسية اللي تعرفك أمتى لازم تتخلصي من حاجة عندك هو أنك تفتكري أخر مرة استعملتيها أو لبستيها. لو مش فاكرة امتى أو كانت أخر مرة من 4 شهور يبقى لازم ترميها أو تتبرعي بها.

استمتعي بالمقتنيات اللي هتحتفظي بها

من المغري انك تروحي تعملي شوبنج بعد ما فضيتي مساحة كبيرة في بيتك أو دولابك، لكن ده هيخلي بيتك مليان كراكيب، وغير منظم. عشان تتجنبي المشكلة دي وتسهلي الدنيا على نفسك، كرسي وقت تستمتعي فيه بالحاجات اللي عندك واللي بتحبيها. نظمي الميك اب بتاعك بشكل جمالي مبهج يخليكي تستخدمي اللي عندك بدل ما تشتري أكتر. الطريقة دي مش بس هتساعدك توفري فلوس لكن كمان هتخليكي تحسي بالراحة والسعادة في بيتك المنظم الجديد.

مصدر الصورة: Pinterest

مشاركة تعليق