دليلك للعنايه بنفسك قبل يوم فرحك

لو معاد فرحك الصيف ده، فأكيد هتبتدي روتين عناية خاص عشان تبقى جاهزة. لكن قبل ما تكملى المقالة دي نحب نقولك ألف مبروك وتأكدي أنك هتكوني أحلى عروسه في الدنيا! بنقدملك دليل وخطوات العناية اللي هتحتاجي تمشي عليها من النهاردة  لحد يوم فرحك!

قبل الفرح بشهر : جلسات تنظيف الوجه

حتى لو بتعملي جلسات تنظيف الوجه بشكل منتظم يفضل عدم عمل جلسات تنظيف عميقة للوجه مع اقتراب يوم فرحك. كمان مهم جداً تحجزي جلسة تنظيف الوجه قبل يوم فرحك بـ 10 إلى 14 يوم.

ثلاثة أسابيع قبل الفرح: تحديد تسريحة  شعرك والميك اب

ضروري تعملي أختبار لتسريحة الشعر وشكل الميكياج قبل الفرح بثلاثة أسابيع لأن ده هيديكي وقت تجربي أشكال وستايل ومنتجات مختلفة عشان تعرفي ايه اللي يناسبك أكتر.

عشرة أيام قبل الفرح: صبغة الشعر

خديها قاعدة عامة، صبغة الشعر بتحلو أكثر بعد غسلتين لثلاث غسلات لأن شكل اللون بيكون طبيعي أكثر.

قبل الفرح بأسبوع: الديرما رولر مع فيتامين سي أو جلسة تدليك للوجه

إذا كنتِ مجربة العلاج بالديرما رولر قبل كده وعجبتك النتائج ده هيكون أفضل وقت تعملي العلاج تاني، بديلاً للديرما رولر هو جلسة تدليك للوجه اللي تعزز من التصريف اللمفاوي، وحركة الدورة الدموية ويمنحك بشرة نضرة.

أربعة أيام قبل الفرح: نتف الحواجب وإزالة الشعر

اعملي حواجبك قبل الفرح بأربعة أيام، ولو هتعملي منطقة البيكي، والإبط ومناطق تانية من الجسم في الكوافير أو عند متخصصة احجزي معاد السويت في نفس الوقت.

يومين قبل الفرح: تسمير البشرة ومساج

مين ما يحبش لون برونزي ساحر، اختاري درجة لون تسمير فاتح (وسمري بشرتك قبل الفرح بشهر عشان تتأكدي انك راضية عن لونه وشكله) كمان تقدري تعملي جلسة مساج (تدليك) قبل تسمير البشرة لأنه يساعد في تقليل التوتر، يرخي عضلاتك ويحسن من الدورة الدموية.

يوم واحد قبل الفرح:المانيكور والبيديكور

أحسن طريقة تمنعي بها تقشر المانيكور هو انك تعمليه قبل الفرح بيوم واحد، اعملي مانيكور جل وهيدوم معاكي لفترة أطول خلال شهر العسل.

مصدر الصورة:Pinterest

مشاركة تعليق