مؤخر اتوفر علاجات كتيرة فى مجال التجميل .لدرجة ان بقا من الصعب تحديد العلاج الانسب لينا.من اشهر العلاجات المنتشرة مؤخرا هو الميزوثيرابى.
لأننا دايما بنهتم بكل الصيحات الجديدة فى المجالات الخاصة بالجمال والعناية بالبشرة, هنساعدك من خلال المقال ده التعرف اكتر على الميزوثيرابي وفوايده. اضغطى على لينك البايو

سألتى نفسك قبل كده يعنى ايه ميزوثيربى؟

الميزوثيرابي هي تقنية تستخدم لحقن مزيج من الفيتامينات والإنزيمات والهرمونات والمستخلصات النباتية لتجديد شباب الجلد ، وتعزيز إنتاج الكولاجين والإيلاستين ، وبيعتبروا مكونات اساسية لتحسين مرونة الجلد. بيساعد فى علاج مشاكل البشرة المختلفة زى تصبغ الجلدوالبقع الداكنة وفقدان التوهج والبشرة الباهتة وفقدان نضارتها ومرونتها والخطوط والتجاعيد السطحية. بيساعد ايضا على شد الجلد ويمنحه مظهر نضر الي كلنا بنتمناه دايما من خلال منتجات وعلاجات الوجه والأمصال والأقنعة المتعددة.

بيتم تطبيقه ازاى؟ ومدة التعافي قد ايه؟

بيتم اجرائه من خلال حقنه فى طبقة الأديم( الوسطى) بتستغرق حوالى نص ساعة, هى ليست مؤلمة. ممكن يكون فى عدم ارتياح محتمل, لان بيتم من خلال ابرة دقيقة, وعشان كدة بعض الناس بتفضل استخدام كريم مخدر (بينج) لو بشرتهم حساسة ومعرضة للتورم او كدمات بعد الحقن, وعادتا بيختفى خلال 24 ساعة.
عادتا بيتم على عدد جلسات متباعدة من 6 إلى 8 جلسات ، لمدة أسبوعين بين كل جلسة بيكون فى متابعة مرة أو مرتين في السنة ، للحفاظ على نضارة البشرة واشرقها.

هل ليه فعلا فوايد؟

فكرة الميزوثيرابي هي أن حقن الفيتامينات والإنزيمات والهرمونات والمستخلصات النباتية في الطبقة الوسطى من الجلد ، بتعمل على تحسين صحة بشرتك لأمدادها بالعناصر المهمة . وبالتالى بتجدد شكل البشرة وبيمنحك مظهر صحى وخالى من السموم وعلامات الشيخوخة. بعالج ايضا ندبات حبوب الشباب وبيخلى بشرتك ناعمة. فايدة الميزوثربي بتتشكل فى امداد الشرة والجلد بالعناصر الى فقدها وبيكون محتاجها دايما لنضارة فعالة, وبالتالى بيستهدف اى مشكلة من الى ذكرناها.

يعنى انا لو عملت جلسة, هحس بالنتيجة من اول مرة بس؟

بعض الناس الى جربوه, أكدو انهم حسو باشرافة وترطيب هايل بعد اول جلسة! هتجربيه؟أكيد هنفكر فى تجربته.

مشاركة تعليق