دليلك لمساكات الوجه

كل واحدة فينا اكيد جربت تعمل ماسك لبشرة وجهها حتى لو مرة واحدة في حياتها، لكن من غير ما تلاحظي أي فرق. استعمال ماسكات الوجه حاجة بسيطة لكن لازم تعرفي تستعمليه أمتى و بالطريقة الصحيحة. ولكن السؤال هو هل تقوم بتطبيقه في الوقت المناسب وبالطريقة الصحيحة؟ مبدئيا خلينا نتكلم عن خطوات ما قبل استعمال ماسك الوجه وهي ضرورة تطوير روتين عناية مناسب لستايل حياتك، وكمان تستعملي ماسك على الأقل مرتين في الأسبوع

1.نظفي وجهك بشكل جيد

ما تفوتيش الخطوة دي في العناية ببشرتك عشان تقدري تحصلي على النتيجة المرغوبة. ضروري جداً انك تغسلي وجهك عشان تنظفي المسامات بعمق. ممكن تستعملي غسول الوجه اللي بتستعمليه في العادة أو سكراب الوجه لتنظيف وجهك بعمق وتفتحي المسامات وتتخلصي من خلايا الجلد الميتة المتراكمة واللي هيساعد المكونات الموجودة في الماسك يمتص بسهولة في أعماق بشترك ويدي نتيجة فعالة أكثر.

2.استخدمي بخار لفتح المسامات

عشان تقدري تفتحي مسامات بشرتك، استخدمي البخار أو ممكن تكتفي بشاور سخن اللي هيفتح لك مسامات البشرة.

3.استخدمي ماسك

ايه بقى نوع الماسك اللي ممكن تستعمليه؟ كل نوع ماسك له فوائدة ومن المهم جدا استخدام الماسك المناسب.

ماسكات عميقة التنظيف

المسكات دي ممتازة لو انتِ محتاجة تعملي تنظيف عميق لبشرتك وتتخلصي من الأوساخ العالقة في المسامات وتتجنبي ظهور الرؤوس السوداء. الماسكات دي عادة ما تكون غنية بالمعادن وتحتوي على مكون الفحم، ودائما لونها بيكون رمادي غامق. يفضل دائما استخدامها ليلاُ – كجزء من روتين العناية بالبشرة الخاص بك اللي اتكلمت عنه وشرحتها بالتفصيل قبل كده. أنصح بعدم استخدام الماسكات دي قبل كام يوم من أي مناسبة مهمة لأنه في حالات كثيرة هتظهر حبوب على بشرتك! لكن ما تقلقيش الحبوب دي بتكون بس على سطح البشرة. بمعنى ان الماسك عمل مفعول وخرج كل الأوساخ أو الدهون الزائدة إلى سطح بشرتك. و بكده هتختفي الحبوب في وقت قصير.

* جربي ماسك:

Go Natural, Detox Clay Mask
Hers, Charcoal Mask
Imtenan, Dead Sea Mud

ماسكات لتفتيح البشرة

اجمل انواع الماسكات! مفعول ماسكات التفتيح مؤقتة لكن تقدري تستخدميها على بشرتك قبل اي مناسبة مهمة أو قبل الميك أب لأن النتيجة بتكون فورية والنتيجة مش بتدوم لفترة طويلة. عشان كده ينصح باستخدامها في نفس يوم المناسبة أو الخروجة. ماسكات تفتيح البشرة تساعد في اخفاء الخطوط الرفيعة وشد البشرة وتمنحك بشرة متوهجة! ماسك مناسب لجميع أنواع البشرة! يندرج الماسكات الورقية في الفئة دي.

* جربي ماسك:

Urban Ducks, Shimmery Powder Face Mask
Gizmo, Honey Mask

الماسكات المرطبة

الماسكات دي ممتازة لو محتاجة تمنحي حيوية لبشرتك وترطيبها (ترطيب الماسكات يختلف عن طرق الترطيب الأخرى). الماسكات مفيدة جداً لو انتِ مسافرة أو لو سهرتي لوقت متأخر أو لو عندك مولود جديد ووقتك قصير ومشغولة عن نفسك أغلب الوقت. ماسكات الترطيب سهلة الاستخدام ومناسبة لجميع أنواع البشرة وتقدري تستخدميه على قد ما تحبي. ماسكات الترطيب هترجع الحياة للبشرة الباهتة والمتعبة.

* جربي ماسك:

Gizmo, Chocolate Mask
Saskia, Face Scrub with Lavender

حقوق الصورة :Pinterest

مشاركة تعليق