نصائح للحصول على نوم عميق

عمرك فكرتي ليه في بنات بيكون وشها منور بعد نوم عميق؟ النوم العميق يقدر يحل كل مشاكل البشرة تقريباً. وده مش بس هيعكس على شكلك الخارجي لكن كمان هيفيد صحتك. وممكن يأثر على نشاطك وتركيزك بشكل عام ويقلل خطر إحتمالية ظهور مشاكل صحية في المستقبل. ضروري جداً انك تنامي وترتاحي وقت كفاية عشان تضمني حياة من غير أجهاد وفيها تركيز أكتر. أقرأي النصائح دي واعرفي إزاي تتعودي على نوم صحي مع الوقت.

معاد للنوم: حددي لنفسك وقت تنامي فيه عشان تقدري تاخدي كفايتك من النوم. حاولي تنامي من 8 إلى 7 ساعات وجهزي نفسك دايماً للنوم في موعد محدد يومياً عشان تخلقي نظام نوم كله راحة. بعد ما تتعودي على وقت نوم محدد، هتلاقي نفسك بتعملي ده لوحدك من غير ما تحسي.

الأكل: تعرفي ان الأكل يقدر يأثر على نومك؟ بعض الأطعمة زي السمك، والشيا، وبذور الكتان، والبقوليات، والخضروات الورقية تقدر تتخلص من بعض مشاكل النوم. زي الأرق وألام الهضم اللي ممكن تأثر على نومك بليل. عشام كده ينصح بأكل أطعمة صحية قبل النوم بساعتين على الأقل .

استرخي: حاولي تعملي لنفسك طقوس وروتين تمشي عليها قبل النوم. استمتعي بحمام كله فقاقيع وصابون مع باث بومب تشيل بيل من بابلزواشربي شاي القديس يوحنا المهدئ من امتنان. من الحاجات اللي ممكن تصفي الذهن ورتخي هو التأمل (meditation)! لأنها بتخلق طاقة إيجابية، وذهن صافي قبل النوم. جربي تعملي تأمل، وهتلاحظي أن ذهنك بيغير طريقة تفكيرة لوحده مع الوقت.

القيلولة:أكدت الدراسات ضرورة القيلولة لمدة 30 دقيقة في اليوم. وهي طريقة ممتازة لشحن طاقتك خلال اليوم، لكن حاولي ما تعتمديش على القيلولة عشان تعوضي حاجتك من الراحة من اليوم اللي قبلة، لأن ده هيأثر على نظام نومك.

اعملي رياضة: الرياضة مهمة جداً للنوم العميق! الجسم محتاج تمدد عضلاته عشان يقدر يفرز هرمون الإندورفين. النشاط الجسدي سواء كان تمارين رياضية أو المشي هيساعد جسمك في نوم أفضل بليل. ممارسة التمارين الرياضية يساعد في نوم أفضل وأكتر راحة. عشان كده لو بتعاني من الأرق حافظي على الحركة البدنية!

أروماثيرابي: الزيوت الأساسية معروفة بقدرتها على تحسين الصحة، والذهن، والطاقة الجسدية. زيت اللافندر معروف من قرون ماضية بتعزيز الصحة الجسدية والعاطفية. رشي شوية من سبراي النوم العميق من أريج أروماثيرابي على مخدتك قبل ما تنامي. شمعة ذا ريلاكسنج ون من روشان مشبعة بروائح هتخليكي تسترخي وتتخصلي من إجهاد يومك.

روتين قبل النوم: روتين العناية ببشرة الوجه والجسم مهمة جداً. عدم غسل بشرة الوجه وترطيبها عامل زي كأنك بتنامي بليل من غير ما تاخدي شاور وتهتمي بنظافتك الشخصية. وأحسن طريقة لإزالة المكياج بعد يوم طويل هو بإستخدام زيت مناسب لبشرة الوجه يقدر يحسن من حالة بشرة الوجه أثناء النوم. سيروم زيت ريجارديه موا من براس هيساعد في تنعيم بشرتك ويديها جمال ونضارة، والاهم من ده هو انه هيسمح لك بنوم أفضل بعد عمل مساج بسيط للوجه.

وقفي التفكير: قرأءة كتاب يعجبك قبل النوم واحدة من أفضل الحاجات اللي ممكن تفيدي بها نفسك وتغذي بها عقلك قبل النوم. ده لو انتِ من الناس اللي بتحب القرأة. أحياناً كتير بنحس بالملل من حياتنا اليومية، والإبتعاد عن مشاكلنا اليومية بقرأة كتاب ممتع ياخدنا لعالم تاني هيخلق لك تغيير إيجابي وياخد تفكيرك لعالم تاني.

حفلة بيجامة: اعملي لنفسك جو مختلف قبل النوم. حاولي تغيري من روتين الليل بشوية عناية بالبشرة واعملي ماسك وجه بإستخدام ماسك حب الشباب أو روفار من نيوبي لمستحضرات التجميل. الماسك هيحارب الحبوب الغير مرغوب فيها على سطح البشرة أثناء الليل. وكمان اتفرجي على أفلامك المفضلة مع كوباية شاي عشبي مفيد، ودللي نفسك بعد يوم طويل. يلا، أبدئي روتين قبل النوم وأسترخي!.

مصدر الصورة: Pinterest.com

مشاركة تعليق