روتين العناية بالبشرة الخاص بسارة

إدارة الحياة العملية مع كوني أم فيه تحديات كبيرة! وزيادة على ده الحفاظ على حياة إجتماعية في جائحة كوفيد-19 خلى حياتي فوضوية. في وسط الفوضى الجميلة دي كل اللي بتحتاجة واحدة زي هو وقت لنفسها عشان تعتني وتهتم وتحب فيه نفسها… وفي الوقت ده بحب أعمل روتين العناية بالبشرة بتاعي وبدلل بشرة وجهي وجسمي بمنتجات تدي بشرتي إحساس بالإنتعاش والتجدد وتديني أنا طاقة عشان أقدر أكمل.

روتين العناية اليومي بالوجه:

أول حاجة بعملها الصبح هو بستعمل ماء ورد طبيعي، بحب تونر الوجه من ناتافيس بمسح منه بشرة وجهي والعنق وده بيساعد في تقليل أي إنتفاخ. بعد كده بغسل وجهيبغسول كلينانس جل المنظف من أفين. أنا بشرتي حساسة ودهنية والغسول ده نتيجته حلوه جداً معايا ولطيف في إزالة  أي أوساخ وتقليل اللمعان. بعدها بدهن كام قطرة من سيروم فيتامين سي من أولي هنريكسن ووبدلكه الأول في راحة إيدي وبعدين على وجهي ورقبتي وبلاحظ توهج فوري بعد إستعماله وأحلى حاجة فيه أنه بيعالج إحمرار البشرة وكمان منتج عضوي، وخالي من الجلوتين وغير مختبر على الحيوانات (ودي حاجة مهمة جداً بالننسبة لي) أحيانا بدهن كريم العين من أولي هنريكسن بعد سيروم فيتامين سي على حسب حالة منطقة العين الصبح. بالنسبة لمرطب الوجه بتاعي بفضل أبدل ما بين أتنين من مرطبات البشرة المفضلة عندي وهي كريم كلينانس هيدرا من أفين وكولاجين كريم  لملئ الخطوط الرفيعة من إيفا. هم الأتنين ممتازين جداً وبيقللوا مهظهر الخطوط الرفيعة والتجاعيد وبيدوا ترطيب بيدوم طول اليوم.

منتجات شبيها للمنتجات المذكورة فوق تقدري تلاقيها على سورس بيوتي:

  1. غسول جل مني – توبي كريم
  2. سيروم فيتامين سي – ناتافيس
  3. كريم مقاوم لتجاعيد العين – نوت فرانس

روتين العناية ببشرة جسمي:

في الأيام اللي بكون عايزة أهتم بها ببشرة جسمي بحب أبدأ ده بتدليك بشرتي بفرشاة جافة للجسم من سول اند مور قبل الشاور عشان أتخلص من الإنتفاخ والجفاف وأقلل من مظهر السيلوليت وعلامات التمدد. الخطوة دي ممتازة لأن بحس أنها بتساعد في إمتصاص المرطب بسهولة. تمشيط الجسم بفرشاة سول اند مور مش بيحتاج أي ضغط أو قوة لأن الشعيرات قوية. و أنا في الشاور بحب استعمل سكراب القهوة المضاد للسيلوليت من هيفن وهو واحد من المنتجات المفضلة عندي من بداية إصدارة. بدلك السكراب على الفخذين، والبطن بحركة دائرية وبشطفه بالميه بعد 10 دقائق. مقشر حلو جداً وريحتة تجنن! كمان عندي فلتر للدش من أيه إل بي واللي بيساعد في حماية بشرتي الحساسة من المعادن الثقلة اللي في المياه وبتخلي بشرتي أنعم (الفلتر ضروري جداً لتحميم الرضع كمان) بعد الشاور ولسه بشرتي مبللة بحط قطرات من زيت المورينجا من حتحور مخلوط مع مرطب إمولينت – توبي كري لترطيب عميق اللي بيدي بشرة جسمي الترطيب والعناية اللي محتاجها بعد الولادة وكمان نتيجته حلوه مع بشرتي الحساسة

عناية بنفس سعيدة!

سورس بيوتي – مديرة تطوير الأعمال – سارة المفتي

مشاركة تعليق