روتين العناية بالبشرة الخاص بسلمى

ديماً بكون على المرأة توقعات أن بشرتها تكون صافية وصحية وبنلاقي نفسنا بندور في وسط ألاف المنتجات عشان نلاقي منتج ينفع لأسلوب حياتنا. وفي الأغلب وبالذات بالنسبة لي أنا مش بحب الروتين أوي وروتين البشرة اليومي ممكن يبقى ممل ورغم كده أنا عارفة أن المجهود والوقت اللي بكرسه للعناية ببشرتي دلوقتي هيبان عليها في المستقبل. اللي ديماً بحاول أعمله هو أني أخلي روتين البشرة بتاعي بسيط وكافي أنه يديني النتيجة اللي محتجاها وده اللي بينفع مع بشرتي. خلوني أقولكم عن خطوات روتين البشرة الأعتيادي اليومي بتاعي.

 تنظيف البشرة

أنا بشرتي عادية لا هي دهنية ولا هي جافة وده بسهل عليا أن ألاقي مجموعة كبيرة من المنتجات اللي تنفع بشرتي لكن التغييرات الهرمونية والعاطفية بتؤدي لظهور حبوب وبثور وبشرة غير متوازنة. رغم كده بحب ألتزم بروتين بشرة بسيط يديني كل أحتياجات بشرتي. خطوة غسل البشرة هي واحده من أهم الخطوات في الروتين بتاعتي وأكتر خطوة بتاخد وقت معايا. بحب أستعمل غسول لطيف ومن غير ريحة عشان مش بحب الروائح القوية. غسول الجل المنقي  من توبي كريم مناسب جداً للغستعمال اليومي. قبل الغسول بمسح وشي بماء الميسيلار من غارنييه عشان أشيل أي أتربة على سطح البشرة وبخلي بشرتي ملمسها وأحساسها ناعم ومنتعش وفي الأيام اللي بحتاج فيها لتنظيف عميق بحب أقشر بشرتي بمقشر الرغوي نيوتروجينا بخلاصة الجريب فروت لأنه من المنتجات المفضلة عندي.

فيتامين C + تونر

عشان أحارب ظهور الحبوب والبشرة الباهتة بدخل سيروم فيتامين سي وماء الورد في روتين البشرة بتاعي. بحب أرش تونر ماء الورد من ناتافيس واسيبه ينشف شوية وبعدها على طول بدهن سيروم فيتامين سي من ناتافيس وباقي السيروم بدهنه على إيدي. استعمال المنتجين دول مع بعض خلى بشرتي متوازنة ومدها بترطيب زيادة.

ترطيب

من بديهيات العناية بالبشرة هو ترطيبها. نوع المرطب اللي بستعمله بيختلف من الصبح حسب الليل. الصبح بستعمل مرطب خفيف ولو مش معايا مرطب بدهن شوية واقي شمس. بليل بهتم أكتر بنوع المرطب اللي بستعمله وأنا مش من النوع اللي ديماُ بتستعمل كريم للعين لكن ديماً بستعمل فازلين على الجزء الخارجي من العين ومش بحط كمية كبيرة وبتأكد أن الفازلين كله امتصته البشرة. بعد كده بدهن كريم الليل المرطب هيالورون اكسبيرت على كامل بشرة وجهي وكمان ديماً بحط مرطب شفايف قبل النوم. استعمال مرطب الشفايف قبل النوم بتضمن منع تشقق وجفاف الشفايف تاني يوم خصوصاُ في فصل الشتاء. بحب مرطب الشفايف بالفراولة من إسنشالز

متنسيش تحبي وتهتمي بنفسك!

سلمى حمدي x

مشاركة تعليق