روتين العناية بالبشرة النهاري مع كارولين

العناية ببشرتي هو جزء أساسي من حياتي اليومية واللي أصبح طبيعة تانية بالنسبة لي. ديماً بدور على منتجات جديدة وبحب أجرب حاجات مختلفة لحد ما ألاقي منتج يناسب بشرتي. بالنسبة لي البشرة الصحية يعني أني أبدو بأفضل مظهر طبيعياً. أنا مش مش بحب احط ميك اب كل يوم لأني أؤمن أننا لازم نخلي بشرتنا تتنفس ومهم جداً بالنسبة لي أخلي بشرتي في أحسن حالاتها وصحتها. كل ما كانت بشرتك صحية كل ما قلت الشوائب وكل ما قل حاجتك لتغطيتها. بدور على منتجات تدي بشرتي توهج ونضارة. خليني أخدكم معايا في روتين العناية ببشرتي الصباحي.

  • تنظيف البشرة- 

أول خطوة بعملها الصبح هي أني بغسل وشي بغسول زيت شجرة الشاي من بابلز. زيت شجرة الشاي رائع لمحاربة حب الشباب وإزالة الشوائب والبقع الغامقة. الغسول ده بيخلي بشرتي نظيفة جداً ومنتعشة. ده غير أنه يحتوي على خلاصة الألوفيرا اللي معروفة بخصائصها المهدئة للجلد. بحب الغسول ده جداً

  • تونر

من المنتجات اللي بحبها واشتريتها من سورس بيوتي هو تونر الوجه من ناتافيس. اللي بينظف بشرتي أكتر وينقي المسام. التونر مركب من ماء الزهرة الدمشقية اللي يخليه ممتاز لموازنة مستويات ترطيب البشرة ده غير أن ريحته حلوه.

  • زيوت وسيروم الوجه

بعد كده ببدأ بدهن Sunday Riley, CEO Glow Vitamin C and Turmeric Face Oil.. بحط كام نقطة من الزيت على إيدي وبدلكه على بشرة وشي. ديماً بدلك الزيت بحركة تصاعدية اللي بيساعد على تحفيز تدفق الدم ونحت البشرة. بعدين بدهن Sunday Riley, CEO 15% Vitamin C Brightening Serum مع قطرات من Paula’s Choice, Hyaluronic Acid Booster وبدهنهم على وشي بحركة تصاعدية بداية من الرقبة.

أنا عارفة أنا المنتجات دي مش متوفرة بس ما تقلقيش دول منتجات بديلة متوفرة على سورس بيوتي

سيروم حمض الهيالورونيك – ريا بيوتي

سيروم 10% فيتامين سي – اورانج ديلي

  • واقي الشمس

بستني بشرتي تمتص كل المنتجات اللي حطتها الأول وبعدين بكمل عليهم بواقي شمس بعامل حماية 50% من كولاجرا. المميز فيه أنه قوامه خفيف ومش دهني. استخدام واقي الشمس جزء أساسي من روتين العناية بالبشرة خصوصاً لو بتستعملي فيتامين سي الصبح. واقي الشمس ده يحتوي على فيتامين هـ وغني بمضادات الأكسدة اللي هتحافظ على ترطيب البشرة طول اليوم.

  • مرطب الشفايف

أخر خطوة بعملها هي أني بدهن مرطب للشفايف بجوز الهند من إسنشالز عشان تتأكد أن شفايفي تفضل ناعمة ورطبة طول اليوم. مرطب الشفايف ده حلو أوي وعبوته بينك صغيرة باخدها معايا في الشنطة عشان استعمله كل ما أحب. مفيش أحلى من الشفايف الصحية والمليانة طول اليوم.

 

مشاركة تعليق