زيوت طبيعية لعلاج جميع مشاكل البشرة

الطبيعة وهبت لنا النباتات اللي قدرنا نستخلص منها زيوت مركزة نعالج ونجمل بها بشرتنا وجسمنا وشعرنا. وللزيوت العطرية الأساسية فوائد متعددة تجميلية وعلاجية هنعرفها في المقالة دي ونتعرف على أنواع الزيوت العطرية الطبيعية واستخداماتها في روتين العناية ببشرتك.

زيت شجرة الشاي

المكون القوي في مستحضرات التجميل والعناية بالبشرة. زيت شجرة الشاي، زيت عشبي مضاد للبكتيريا فعال في التخلص من حب الشباب، والبثور، والشوائب. حطي نقطة من زيت شجرة الشاي على المناطق اللي بتعاني من الحبوب لعلاجها أو لتخفيف ألام عضة الباعوض.

زيت الورد

زيت الورد من الزيوت متعددة الاستعمالات المرطبة والمعالجة للبشرة، استخدم بتلات الورد من قرون في تجميل البشرة وموجود كتير في منتجات تجميلية كتيرة زي ماء الورد المنقي والمرطب وأنواع كتير من منظفات البشرة. دلكي زيت الورد على بشرتك بعد خلطة مع زيت اللوز الحلو أو زيت الجوجوبا.

زيت لبان الذكر

خلاصة لبان الذكر قادرة على التخلص من التجاعيد والخطوط الرفيعة وكان يتم استخدامه في العصر الفرعوني  للحفاظ على البشرة شابة ونضرة. يعني لو بتدوري على بديل طبيعي يحسن من مظهر التجاعيد ويقاومها استخدمي زيت لبان الذكرة بالكمية اللي محتاجها بشرتك.

زيت الأرجان

السائل الذهبي! زيت الجوجوبا غني بمضادات الأكسدة والفيتامينات. من أكتر الزيوت ترطيب وتغذية للبشرة. مثالي للبشرة اللي بتعاني من الجفاف والتجاعيد. خليط فيتامين إي الطبيعي اللي فيه والأحماض الدهنية بتمتص بسهولة في البشرة يعني هتلاحظي فرق فوري في شكل وملمس بشرتك.

زيت البرتقال المر

ضيفي فيتامين سي لروتين العناية ببشرتك مع زيت البرتقال المر، زيت متعدد الفوائد يساعد في تحسين أعراض الصدفية والأكزيما والجروح، والقرح والعدوى الفطرية في الجلد أو الأظافر وعلاج وتنقية شوائب البشرة.

 

مصدر الصورة: Pinterest.com

مشاركة تعليق