زيوت مغذية: أفضل 5 زيوت للوجه

بعد ما نضفتي بشرتك ورشيتي تونبر منعش وجاهزة تحطي زيت الوجه بتاعك. وانتِ باصه في المراية وحاسة إنك ملكة العالم، مفيش شعور أحلى من استعمال زيوت للوجه على بشرتك. غنية بمكونات مغذية، وبتخلي البشرة شكلها أملس، ومليانه ومشرقة طبيعي. استعمال الزيت المناسب لبشرتك هيساعد في تحسين مستويات الأحماض في بشرتك ويحافظ عليها صحيه مهما كان حالة الجو، الموسم، أو الحالة الذهينة اللي انتِ فيها. خليني اعرفك بزيوت مغذية في المقالة دي ونتكلم عن أفضل 5 زيوت لشهر أكتوبر.

سيروم فيتامين C – ناتافيس

فيتامين سي مش بس بيدعم الجهاز المناعي لكن كمان أثبت أنه إضافة ضرورية لروتين العناية بالبشرة. ناتافيس تفوقت على كل توقعاتنا مع السيروم اللي كلنا مهووسين به. مش سهل تلاقي فيتامين سي والنياسيناميد في منتج واحد بس ناتفايس عملت تركيبة فعالة من المكونين. زيادة على ده كمان اضافوا حمض الهيالورونيك، مكون من المكونات الرائعة في ترطيب، وتنعيم والحفاظ على البشرة منتعشة.

زيت ريفايف – دونا ناتشورال

زيت ريفايف هدفه إعادة النضارة الطبيعية لبشرتك مع مكونات زي زيت الجوجوبا وزيت بذرة الكتان اللي هيمدوا البشرة بالترطيب. زيت لبان الذكر والقهوة هيساعدوا في تقليل مظر الخطوط الرفيعة والتجاعيد، اما زيت الجيرانيوم العطري هيخلي بشرتك ندية ومشرقة. المنتج ده هيوفر لك كل احتياجتك!

جولد سيروم للبشرة – كولاجرا

ايه أجمل من بشرة وجه مغمورة بالذهب؟ سيروم الوجه مصنوع من أفضل مكونات العناية بالبشرة. مصنوع من فيتامين سي، وذهب، وكافيار، وحمض الهيالورونيك، والكولاجين وكلها مركبة بحيث انها تكون لطيفة على الجلد. مكونات السيروم بتساعد على التخلص من التصبغات والبشرة الغير موحدة وتنقي الوجه وتضيف نضارة.

سيروم الوجه اليومي – اُربن دُكس

سيروم للإستعمال اليومي قوامه خفيف على البشرة مصنوع من مكونات مغذية زي الشاي الأخضر، المورينجا، والألوفيرا.

علاج لبان الذكر للوجه – سنسيرا أروماثيرابي

زيت معالج للبشرة معزز بلبان الذكر وزيت الأرجان الغني بخصائص مقاومة للتجاعيد هتخلي بشرتك مرنة ومنتعشة وتساعدك في الحصول على بشرة موحده وناعمة. يفضل استعماله كخطوة أخيرة قبل النوم وفي النهار هتلاحظي بشرتك مشرقة وملمسها أفضل.

مصدر الصورة: Pinterest

مشاركة تعليق