سهرة بنات…أفضل 5 مستحضرات للعناية بالبشرة

بتفكري تعملي حفلة بيجامة مع أعز صحباتك وتقضوا سهرة بنات مع بعض؟ استغلي الفرصة دي للعناية ببشرتكم وخليها سهرة كلها أنوثة، وجمال، واهتمام بالنفس، واسترخا. اعرفي في المقالة دي أفضل 5 مستحضرات  تركيبتها طبيعية وفوادئها متعددة وكمان مناسبة لجميع أنواع البشرة.

ماسك الوجه بالفحم المنقي من غارنييه

أغلبنا بيعاني من بشرة فيها شوائب، وإفرازات دهنية، ومسامات مسدودة؟ أي كانت نوع بشرتك أنتي أو صاحبتك استعملي ماسك منقي على الأقل مرتين في الأسبوع وبما انك هتقضي اليوم مع أعز صحابك نحب نرشح لكم ماسك الفحم النقي من غارنييه. ماسك منقي خالي من البارابين والزيوت المعدنية. تركيبة غير دهنية، مصنوعة من خلاصة الفحم والطحالب اللي هتتخلص هتنقي المسام المسدودة وتديكي بشرة نضيفة بحق وحقيقي، ومنتعشة، وصحية، ونضرة أكتر.

ماسك العين الورقي من غارنييه

مفيش روتين كامل من غير كريم أو ماسك لتحت العين. استعملي ماسك العين الورقي من غارنييه. مكونات ماسك العين هيدرا بومب بعصير البرتقال وحمض الهيالورونيك، هينعش محيط العين ويديها إشراقة.

كريم الوجه بالهلام الملكي من ناتورفا

بشرة الوجه بتتعرض لعوامل بيئية قاسية منها أشعة الشمس فوق البنفسجية، والجفاف، والأتربة، والتلوث زي عوادم العربيات الخ. بعد غسل البشرة دلكي الكريم المرطب بالهلام الملكي. مرطب كريمي طبيعي ومغذي للوجه للبشرة الجافة مركب من خلاصة غذاء النحل الملكي الغذاء أو الهلام الملكي يحفز إفراز الكولاجين الطبيعي، يحتوي على مغذيات مختلفة وفيتامينات ومضادات أكدسدة بتعمل على حماية البشرة وبتأخر ظهور الخطوط الرفيعة والتجاعيد. الكريم ده هيخلي بشرتك مترطبة بعمق، وناعمة، ومتوهجة. مناسب للبشرة العادية إلى الجافة.

زيت الشفايف كيس مي من سول اند مور

أكيد مش هنكتب المقالة دي وننسى نتكلم عن الشفايف والعناية بها. زيت (كيس مي) من سول اند مور عبارة عن تركيبة مرطبة ومعالجة بفضل احتوائه على زيت جوز الهند، وزيت ثمرة الورد، وزيت عطري، وفيتامين إي. حطيه على شفايفك انتي وصاحبتك ودلكيه قبل النوم وتاني يوم هتلاقي شفايف ناعمة وصحية.

 

مصدرة الصورة: Pinterest.com

مشاركة تعليق