كلنا سمعنا من أطباء الجلدية وخبراء العناية بالبشرة عن أهمية استخدام واقي شمس لحمايتها من أضرار الأشعة فوق البنفسجية والحمراء اللي بتؤدي لسرطانات، وتجاعيد مبكرة، وبقع. لكن كمان لازم نتكلم عن أهمية العناية بالبشرة ما بعد التعرض لأشعة الشمس. خصوصاُ في الأجازات والقاعد على الشط عشان نتشمس أو ناخد تان أو النزول في الميه تحت الشمس لفترات طويلة. العناية بالجلد هيمنع جفافها، وتقشرها، ويخفف من ألم أي حروق شمسية، وكمان يحافظ على صحة وشباب البشرة لأطول فترة ممكنة. كملي قراءة المقالة واعرفي طرق ومنتجات مفيدة للعناية ببشرتك.

خدي دش بارد

الدش مش بس هينضف بشرتك ويحافظ على نظافتك الشخصية لكن كمان هينعش بشرتك بعد ما النزول في مية البحر أو حمام السباحة. مياه البحر فيها نسبة ملح عالية مع وحمامات السباحة فيها مادة كلور، العوامل دي مع التعرض للشمس الحاره هيخلي بشرتك محتاجة لبرودة وإنتعاش. مع الشاور البارد استخدمي شاور جل  بالورد البري من أريج أروماثيرابي. زيت الورد مهدئ للبشرة وريحته هتخليكي تسترخي.

اعملي سكراب لبشرة الوجه

ادي بشرتك وجهك عناية وإهتمام إضافي بعد الشمس عشان تتخلصي من خلايا الجلد الميت وأي اتربة وأوساخ متراكمة. استخدمي مقشر لطيف وطبيعي يكون غني بزيوت ترطب الجلد وتنقي البشرة في نفس الوقت. نرشج لك سكراب بزيت شجرة الشاي من بودي بلوم.. المميز في السكراب ده هو انه مغلف في كيس مقفول كويس جداً ووزنه خفيف. يعني لو مسافرة أو رايحه إجازة شاطئية هتقدري تاخديه معاكي في اي مكان.

رطبي بشرة وجهك

مفيش يوم لازم يعدي من غير ما تستخدمي مرطب على بشرتك، وفي حالة التعرض للشمس ضروري جداً انك ما تنسيش الخطوة دي من العناية ببشرة الوجه. المرطب لازم يكون قادر على إنعاش البشرة ويتخلص من أي جفاف، وتحسي انك وشك مرتاج بعد استخدامه.  استخدمي جل الألوفيرا المهدئ مع واقي شمس من إسنشالز، هيرطب ويهدي ويحمي بشرتك من أضرار الشمس ويديها احساس بالبرودة. أو استخدمي قبل النوم كريم النهار ريفيتاليفت بإشراقة الجنسنج من لوريال باريس. كريم فيه تنت بسيط هيدي بشرتك توهج ويساعد في تقليل التجاعيد والخطوط الرفيعة.

رطبي بشرة جسمك

أهم جزء في العناية بالبشرة بعد التعرض لأشعة الشمس هي ترطيبها بشكل كويس وكافي عشان تحافظي عليها من التقشر وتهديها وتغذيها. ده غير أن ترطيب البشرة هيقلل من أي ألم ممكن يكون ناتج من حروق الشمس. قدامك خيارين من المنتجات دي، وهو انك تستخدمي جل الألوفيرا الطبيعي من امتنان وهيكون مناسب جداً للإستعمال سواء على بشرة الجسم أو الوجه. جل الألوفيرا مرطب طبيعي وممتاز لتخفيف ألام حروق الشمس، بالإضافة لأنه يقدر يحافظ على شباب بشرتك لو هتستخدميه على وشك ورقبتك وإيدك. ضيفي عليه مرهم زبدة بالورد والمسك وخشب الأرز من ساسكيا مرطب قوامه أتقل شوية وعميق وهيدي بشرتك لمعان لأنه معزز بزيوت مغذية.

حافظي على شرب الميه

شرب الميه من أساسيات الحفاظ على صحتك البدنية وكمان شباب وترطيب الجلد. رغم ان مرطبات الجسم بتساعد في التخلص من المناظق الجافة والجلد المتقشر بشكل سطحي، إلا أن على المدى البعيد الميه هي اللي هتروي جسمك وترطبه من جوه لبره. اشربي ميه على قد ما تقدري وخلي اي تطبيق أو المنبه على تلفونك يفكرك بشرب الميه على مدار اليوم.

 

مصدر الصورة: Pinterest

مشاركة تعليق